El desembarcu de la Fundación Margarita Sales en Valdés: esta ye la propuesta p'afalar l'interés pola ciencia nos estudiantes
Los talleres van empezar en septiembre y van tar dirixíos a escolares valdesanos, amás, van ser gratuitos y n'horariu de tarde
Lucía Viñuela, cola escultura de Margarita Salas, en L.luarca. / A. M. S.
La Fundación Margarita Salas y el Conceyu de Valdés van firmar esti 15 de marzu'l conveniu que garantiza la organización d'actividaes didáctiques pa los estudiantes de Valdés col ánimu d'afalar l'interés pola ciencia. El director d'Educación y Divulgación Científica de la fundación, David Perezagua, adelantó a esti diariu los detalles de la programación. Los talleres van empezar en septiembre. Tán dirixíos a escolares valdesanos, son gratuitos, van facese n'horariu extraescolar y van tener como fin dar a conocer cómo nos arrodia la ciencia. Pel momento, va haber 15 places por actividá, en función de la disponibilidá económica.
"Estes actividaes tienen una metodoloxía propia; trátase d'aprendizaxe basáu n'indagación y proyectos; el fin ye qu'afayen que la ciencia ta en llugares y espacios onde nun la visibilizamos", indica Perezagua. "Hai que facer la ciencia, non reproducir esperimentos", fae. Con ello "pretendemos meyorar l'alfabetización científica" de los llugares onde se desenvuelve el proyectu, fundamentalmente rurales y onde nun hai accesu a tanta programación cultural.
La periocidá de les sesiones hasta cumplir col propósitu marcáu pola Fundación va ser selmanal. El proyectu tien otra pata. Buscar científicos ente los habitantes de Valdés. "Tenemos como oxetivu cuntar a los estudiantes que nel so conceyu tamién hai científicos y científiques que son referentes; amás, cuanto más cercanos, meyor", diz Perezagua. El programa va afayase, sía que non, a les necesidaes ya intereses del conceyu.
La presidenta de la Fundación Margarita Salas y fía de la reputada científica, Lucía Viñuela, rescampla la importancia d'esti conveniu por firmase nel conceyu natal de so madre. "Imaxino que taría contenta", indica Viñuela y amesta que la filosofia del proyectu cumple con una de les metes de Margarita Salas, que nun yera otra qu'averar la ciencia a la sociedá, ensin distinción por razones de sexu o llugar de residencia. Dende la muerte de Salas, en 2019, les collaboraciones ente la fía de la investigadora y el Conceyu nun cesaron. Con esti conveniu , dase rangu oficial a un venceyu que tamién ye familiar. Pel momento, pa desenvolver les actividaes va cuntar con un presupuestu inicial de 4.000 euros.
- Demoledor escrito de la Comisión Europea: asegura que la prórroga del peaje del Huerna fue ilegal
- Así será el calendario escolar 2024-2025 en Asturias: mismo día de inicio para todos y tres descansos pedagógicos
- Si eres un amante del buen comer, La Chalana te trae algo que te interesa
- Otro hito para la llegada de los Avril: el primer AVE con pasajeros completa un trayecto Madrid-Asturias en el que "se va muy bien
- Las reacciones en Asturias al anuncio de Pedro Sánchez: del "no todo vale" de Barbón, al "victimismo" de Queipo
- El mejor supermercado": el curioso tatuaje que se ha hecho una persona sobre una conocida marca asturiana
- El Principado se compromete a "seguir trabajando para eliminar el peaje" del Huerna y el PP dice que la prórroga "estaba dentro de la legalidad
- El peaje del Huerna se prorrogó para obtener más dinero: LA NUEVA ESPAÑA desgrana el dictamen de la UE que pone en entredicho la tasa de la autovía
