Les ventes de sidra nes tiendes de los llagares dóblase y raspia'l 10% del total
El conseyu regulador ta enfotáu en que 2024 va ser un bon añu y confirma que'l sector recuperó la normalidá depués del baxón pol covid
Tino Cortina, nel so llagar d'Amandi. / LNE
La venta de sidra nes tiendes propies de los llagares de la rexón doblóse nel últimu llustru, pasando d'un cuatro por cientu a cuasi'l diez por cientu en 2023, según los datos que remana'l conseyu regulador de la Denominación d'Orixe Protexida (DOP). Con too y con ello, la principal canal de comercialización de la sidra natural sigue siendo'l de la hostelería, onde se despachen cuasi ocho de cada diez botelles. El restu viéndese al traviés de negocios d'alimentación.
El fechu de que les ventes nos establecimientos hosteleros asitiase nel 82% del total en 2023 ye una preba de que'l sector de la sidra recuperó la normalidá depués de los graves problemes xeneraos pola epidemia del coronavirus. El zarru de barres y el restu de midíes preventives pa tratar de contener la espansión de la enfermedá fixeron qu'en 2020 el consumu en chigres asitiara llixeramente per debaxo de la barrera del 75%.
"Dende la DOP Sidra d'Asturies somos optimistes pa esti añu, yá que por fin podemos volver a la normalidá absoluta y esperamos otra crecedera en ventes", sorrayen fontes del conseyu regulador nel so últimu boletín informativu.
La sidra con denominación entamó'l presente añu con un total de 31 llagares n'activu, 382 cosecheros, 855 pumaradas y 971 hectárees de cultivos inscrites nel conseyu regulador. En 2023 apurriéronse 7.122.309 kilogramos de mazana con destín a la DOP, un 15 % menos que va dos años, por cuenta de la seca veraniega, y ellaboráronse 5.198.309 llitros de sidra, un millón menos que l'últimu añu de vecería. Sí creció'l númberu de contraetiquetes de la DOP.
- Media España en alerta por lo que ha dicho la Guardia Civil sobre lo que está pasando con las tarjetas de crédito
- Alejandra Rubio abandona su casa con Carlo Costanzia
- Bruno, feliz ante la reciente noticia del embarazo, confirma en Reacción en cadena cómo se va a llamar el bebé: 'Como tú
- Los 'Mozos de Arousa' se despiden de Telecinco: Mediaset suspende el programa pese a los buenos datos de audiencia
- Suso Álvarez y las razones de su ruptura con Bea Retamal: 'No sabía que se estaba enamorando ni que tenía sentimientos
- Exigen el despido de la azafata de la Ruleta de la Suerte por esto que pasó en directo en el programa de Antena 3
- Duro adiós en la familia de Terelu Campos y Carmen Borrego: las hermanas comparten el dolor en redes sociales
- Segunda muerte de un joven en Cudillero en una sola tarde: un niño de 10 años en accidente de tractor
