El 60% de ventes de cases de luxu en Ribeseya y Llanes faense a estranxeros
Ciudadanos d'otros países tán detrás del 30% de les compres de vivienda d'alta gama n'Asturies
Sablera de Santa Marina, en Ribeseya. / Julia Quince
El comportamientu del segmentu altu del mercáu de la vivienda n'Asturies confirma la fuerte crecedera de la demanda estranxera, según los datos sopelexaos esti día pola axencia inmobiliaria Engel & Völkers, especializada n'inmuebles "premium" y veceros d'altu poder adquisitivu.
Según la franquicia asturiana de la compañía alemana, que tien trés oficines n'Asturies y qu'opera fundamentalmente nos mercaos de Xixón, Uviéu, Salinas, Lluanco, l'oriente (casu de Llanes y Ribeseya ) y Siero, el 30% de les viviendes nes que medió l'añu pasáu fueron adquiríes por estranxeros, con preeminencia de ciudadanos centroeuropeos y americanos. "Destaquen les nacionalidaes mexicana, estadounidense, belga, inglesa, holandesa y alemana", señalaron medios de la empresa.
"El mercáu inmobiliariu d'Asturies ta de moda. Tanto qu'en 2023 foi la única rexón española na qu'aumentó la compraventa de viviendes depués de crecer el 5,6%, según l'INE, y desmárcase del enclín nacional, que cayó'l 9,7%", indicaron fontes d'Engel & Völkers. "Asturies foi la comunidá na que más creció'l númberu de compradores internacionales a lo llargo del primer semestre del añu pasáu".
Los conceyos costeros del oriente (con Llanes y Ribeseya a la cabeza), son, afirmen, "los más cobiciaos n'Asturies per parte d'estranxeros y españoles". Nesta zona los veceros internacionales d'altu poder adquisitivu suponen hasta'l 60% de les alquisiciones nes que medió la empresa. En Xixón fueron el 30% y n'Uviéu, el 10%. Esta compañía muévese en precios que n'Asturies anden ente los 990 y los 3.891 euros per metro cuadráu.
"Tamos apreciando una demanda creciente de vivienda n'Asturies como segunda residencia de parte de persones, tanto españoles como estranxeres, que tán pensando na so xubilación. Y tamién s'aprecia una mayor demanda polos llamaos nómades dixitales con poder adquisitivu, y nesti casu tamién tanto españoles como estranxeros, sobremanera aquellos qu'aprecien la calidá de vida y-yos esmolecen les foles de calor y la seca", señaló un responsable.
- Media España en alerta por lo que ha dicho la Guardia Civil sobre lo que está pasando con las tarjetas de crédito
- Alejandra Rubio abandona su casa con Carlo Costanzia
- Bruno, feliz ante la reciente noticia del embarazo, confirma en Reacción en cadena cómo se va a llamar el bebé: 'Como tú
- Los 'Mozos de Arousa' se despiden de Telecinco: Mediaset suspende el programa pese a los buenos datos de audiencia
- Suso Álvarez y las razones de su ruptura con Bea Retamal: 'No sabía que se estaba enamorando ni que tenía sentimientos
- Exigen el despido de la azafata de la Ruleta de la Suerte por esto que pasó en directo en el programa de Antena 3
- Duro adiós en la familia de Terelu Campos y Carmen Borrego: las hermanas comparten el dolor en redes sociales
- Belén Esteban confiesa por primera vez los motivos de su ruptura: 'El fallo lo tuve yo
