Los asturianos pierden el mieu al covid y al gripe: 156.000 vacunes menos esti iviernu pasáu
Salú rescampla que la protección gripal ta perriba de la previa a la pandemia y destaca l'ésitu de la inmunización de la bronquiolitis en bebés
Aplicación de la vacuna del gripe a un paciente, el pasáu mes d'ochobre, nel centru de salú de Teatinos (Uviéu). / David Cabo
Los asturianos perdieron mieu al gripe y al covid, como lo amuesa'l fechu de que se vacunaron menos esti iviernu pasáu: 126.000 menos frente al coronavirus y 30.000 menos frente al gripe. A cambiu, collechó un gran ésitu la inmunización con anticuerpos frente al virus respiratoriu sincitial (VRS), que foi recibida pol 96,5% de los nácaros pa los que taba indicada col envís d'evita-yos la bronquiolitis.
El Gobiernu d'Asturies fixo públicos esti día los datos de vacunación d'esta pasada campaña seronda-iviernu. El Serviciu de Salú del Principáu d'Asturies (Sespa) cerró'l pasáu 31 de marzu la campaña de vacunación 2023-2024 con 452.146 dosis alministraes pa prevenir enguedeyos derivaos del gripe estacional, el COVID19 y el virus respiratoriu sincitial. La cobertoria foi significativamente bona en cuatro de los grupos diana a los que taba especialmente empobinada: mayores de 65 años, residentes de centros de mayores, embarazaes y naciellos.
Gripe
La vacuna del gripe, con 261.662 dosis alministraes, foi la más utilizada. Col empléu de distintos sueros en función de la situación de salú de los pacientes, tiense inmunizao al 95,2% de les persones residentes en centros de mayores, y al 65% de los que tienen 65 años. Esta cobertoria ye un 10% inferior a la del 2023, pero supera nun 15% a la que se consiguía nos años d'enantes de la pandemia.
Bona respuesta n'embarazaes, floxa en neños
La vacuna del gripe tamién tuvo una respuesta bien bona ente les embarazaes, con 2.870 dosis alministraes. Sicasí, tuvo una acoyida más feble ente los menores de cinco años, con 8.894 vacunes y una cobertoria del 35,7%. Nesti casu, fai falta destacar qu'esta foi la primer campaña na que s'encamentaba alministrar la protección a esti grupu d'edá.
Covid-19
La vacuna frente a la COVID19 foi la segunda más emplegada, con 186.144 dosis. La cobertoria ente los usuarios de residencies foi del 93%, con 12.226 dosis puestes, y del 76,7% ente los mayores de 80 años, con 63.598 dosis emplegaes. Nesti casu, la campaña sigue abierta pa facilitar que les persones inmunodeprimies puedan recibir la segunda dosis.
Virus respiratoriu sincitial (VRS)
La inmunización con anticuerpos frente al VRS, que causa la mayoría de les bronquiolitis en nácaros, entró esta temporada per primer vegada nel calendariu vacunal. Tanto la cobertoria como l'amenorgamientu de los enguedeyos derivaos d'esta enfermedá ente los naciellos fueron escelentes. El 96,5% de los nácaros pa los que taba indicáu recibió la medicación, con 4.340 dosis aplicaes.
- El hombre del insulto viral ("por siete votos...") a Sánchez en Oviedo se gasta 2.000 euros al mes para protestar contra el Gobierno: "Soy de centro y fui amigo de Abascal, aunque me distancié
- Si eres un amante del buen comer, La Chalana te trae algo que te interesa
- El error judicial que deja impunes a ocho "ángeles del infierno" de Asturias tras la gran operación policial contra ellos
- El peaje del Huerna se prorrogó para obtener más dinero: LA NUEVA ESPAÑA desgrana el dictamen de la UE que pone en entredicho la tasa de la autovía
- Crónica de la jornada en la que Villaverde renovó mandato en la Universidad de Oviedo por seis años: una proclama reiterada y votaciones llamativas en algunos campus
- Barbón, desatado en Ferraz defendiendo a Sánchez: "¡Rebelémonos contra la injusticia!
- El Principado reacciona al informe de la UE sobre el peaje del Huerna: "Es demoledor, los asturianos merecen un respeto
- Primera condena a una residente de un geriátrico público asturiano por golpear a una auxiliar: "Os voy a rajar
