El Muséu Prerrománicu de Sanmartín abre les sos puertes hasta setiembre con una guía especializada
La Fundación Valdés-Salas, que xestiona l'equipamientu museísticu, aconseya acutar cita pa la visita
![Visitantes nel muséu.](https://estaticos-cdn.prensaiberica.es/clip/0d6c7846-b1c2-4e39-97e0-050a9ad7dafc_16-9-discover-aspect-ratio_default_0.jpg)
Visitantes nel muséu. / Irma Collín
Cola llegada de la temporada alta de visitantes y pelegrinos, la Fundación Valdés-Salas pon en marcha l'apertura ininterrumpida del so apreciáu Muséu Prerrománicu de Sanmartín, que s'alluga na capiella del Palaciu de los Valdés Salas y que va cuntar con una guía especializada pa facilitar la conocencia de les pieces espuestes. El centru, amás de la sede de la Fundación, va tar abiertu hasta setiembre, de miércoles a domingu, n'horariu d'once a dos pela mañana y de trés a seis de tarde.
La entidá encamienta acutar un horariu de visita nel teléfonu 684629878, especialmente nel casu de grupos y de momentos de muncha xermandía de visitantes.
El Muséu Prerrománicu de Sanmartín ye ún de los puntos de visita obligada na villa de Salas. Ello ye que caltien "el pervalible conxuntu de pieces y llábanes epigráfiques, procedentes de la ilesia de Sanmartín", mui cerca del cascu históricu salense. Estes pieces, qu'orixinalmente taben enllastraes nos muros d'esti templu, constitúin, según los espertos, "una escelente amuesa representativa de la perfección y riqueza decorativa de los talleres asturianos del sieglu X". En total, pueden conocese ventitrés pieces, entre cruces, ventanes, llábanes y capiteles.
L'equipamientu sufrió una ambiciosa reforma en 2018 y, en 2019, abrió les sos puertes nel actual allugamientu. Pasó de la torre del Palaciu a la capiella, nun espaciu que facilita les visites por tar al pie de cai, xusto per onde transita'l Camín a Santiago.
- Media España en alerta por lo que ha dicho la Guardia Civil sobre lo que está pasando con las tarjetas de crédito
- Alejandra Rubio abandona su casa con Carlo Costanzia
- Bruno, feliz ante la reciente noticia del embarazo, confirma en Reacción en cadena cómo se va a llamar el bebé: 'Como tú
- Los 'Mozos de Arousa' se despiden de Telecinco: Mediaset suspende el programa pese a los buenos datos de audiencia
- Suso Álvarez y las razones de su ruptura con Bea Retamal: 'No sabía que se estaba enamorando ni que tenía sentimientos
- Exigen el despido de la azafata de la Ruleta de la Suerte por esto que pasó en directo en el programa de Antena 3
- Duro adiós en la familia de Terelu Campos y Carmen Borrego: las hermanas comparten el dolor en redes sociales
- Segunda muerte de un joven en Cudillero en una sola tarde: un niño de 10 años en accidente de tractor