Carlos Quirós: "Préstame xugar a facer imaxes que d'un xeitu o d'otru trescalen"
El fotógrafu asturianu recibe en Londres un reconocimientu nos premios FAPA por una serie sobre "el pasu del tiempu y la señardá"
Ún de los trabayos de Carlos Quirós nominaos. / C. Q.
El fotógrafu asturianu Carlos Quirós foi reconocíu nos prestixosos Fine Art Photography Awards (FAPA) fallaos en Londres con una nominación na categoría d'arte conceptual. Ye ún de los de mayores galardones dientro de la fotografía artística o creativa a nivel mundial.
Quirós, con estudiu n'Uviéu, foi'l primer asturianu finalista nes diez ediciones d'estos premios y esti añu yera l'únicu español. Presentó la serie "Paradox", cola qu'alude con metáfores visuales y d'una forma irónica y crítica a la obsesión por el pasu del tiempu.
Señala Quirós a LA NUEVA ESPAÑA que "esta reconocencia nos FAPA, ye la más importante que recibí hasta agora, púnxome al altor de dalgunos de los meyores creadores visuales del mundu".
Les imaxes de la serie cavilguen "sobre'l pasu del tiempu y la muerte, utilizo oxetos como'l cascayu y los globos qu'aluden a la infancia y entemécense con calaveres, cadarmes y mázcares, mui presentes na mio obra tamién, qu'aluden a la falsa identidá y la muerte. La lluz entra pela ventana, día tres día, muerte tres muerte, implacable".
Tamién hai a esgaya "de mitu del covarón; vivir zarraos en nós mesmos, con milenta fobies, mieos y estrés... y el tiempu pasa ensin que faigamos nada".
A la de falar d'obsesiones como motivu d'inspiración, esplica, "seríen el pasu del tiempu, la muerte, tamién hai señardá d'una infancia feliz, onde nun había mázcares". Con too y con ello "prestaría-y que la xente que ve la mio obra s'avere a ella como al empiezu d'una película o serie, onde puedes imaxinar que van pasar munches coses".
La fotografía fine art, esplica, "estrémase de la tradicional en que nella ye posible incorporar tou tipu de técniques; testures, fotomontaxes... Son semeyes pal disfrute visual y nun tienen por qué ser fieles a la realidá. Lo único que nun se puede utilizar nestos certames ye la intelixencia artificial".
L'añu pasáu foi perimportante pa él: "Fui escoyíu pa la World Photographic Cup con España y ser ‘Top 10’ nos European Awards, diome fuerza pa crear esta nueva serie de fotografíes ‘Paradox’ que yá ta dando los sos frutos".
La so intención ye "esponer la mio obra n'Asturies, yá recibí ufiertes de galeríes de Madrid y de Mallorca pero nenguna asturiana". Escrito queda.
- El hombre del insulto viral ("por siete votos...") a Sánchez en Oviedo se gasta 2.000 euros al mes para protestar contra el Gobierno: "Soy de centro y fui amigo de Abascal, aunque me distancié
- Si eres un amante del buen comer, La Chalana te trae algo que te interesa
- El error judicial que deja impunes a ocho "ángeles del infierno" de Asturias tras la gran operación policial contra ellos
- El peaje del Huerna se prorrogó para obtener más dinero: LA NUEVA ESPAÑA desgrana el dictamen de la UE que pone en entredicho la tasa de la autovía
- Crónica de la jornada en la que Villaverde renovó mandato en la Universidad de Oviedo por seis años: una proclama reiterada y votaciones llamativas en algunos campus
- Barbón, desatado en Ferraz defendiendo a Sánchez: "¡Rebelémonos contra la injusticia!
- El Principado reacciona al informe de la UE sobre el peaje del Huerna: "Es demoledor, los asturianos merecen un respeto
- Primera condena a una residente de un geriátrico público asturiano por golpear a una auxiliar: "Os voy a rajar
