La rota d'Arlós suena nel ciberespaciu
Los encargaos de reconstruyir l'instrumentu medieval qu'apaez nun canecillu de la ilesia llanerense sopelexen los sos planos n'internet
Pela izquierda, Fernando Oliva, Héctor Braga y Manuel Paz, en Posada (Llanera), cola rota d'Arlós, los sos planos y los modelos en 3D. / L. P.
De l'artística reproducción so un bistechu de la ilesia románica de Santiago d'Arlós a tar disponible, gracies a les nueves tecnoloxíes, pa cualesquier interesáu en cualquier llugar del mundu. La rota d'Arlós, el singular instrumentu medieval que quedó llabráu en piedra nún de los canecillos del templu llanerense, volvió a la vida gracies al trabayu d'un piñu d'entusiastes y, agora, va ser replicable en cualquier puntu del globu, por aciu d'internet.
La Casa de la Cultura de Posada acoyó va unos díes una charra de presentación del instrumentu pal gran públicu nun actu pa sopelexar, amás, los planos de la pieza, que fueron ellaboraos con mimu por Fernando Oliva, de l'Asociación de Música Antigua. Unos documentos que s'ufierten al públicu, de forma gratuita al traviés de la so web (amantigua.com) y de la web del Conceyu de Llanera, por que cualquier persona interesada pueda facese con ellos y replicar la rota tal que se reconstruyó en Llanera.
El camín hasta llegar al instrumentu físicu nun foi fácil. Nun se caltien nenguna rota nel mundu, porque foi un instrumentu con poca vida. Sumió cola Edá Media pa nun volver a tocase enxamás, precisamente pola dificultá de facer sonar les notes.
Primero de devolve-y la vida, el director de la Orquesta de Cámara de Siero, Manuel Paz, y Fernando Oliva dedicaron munchos esfuerzos a facer "miles de semeyes" del canecillu que representa a una cabra tocando la rota na ilesia parroquial d'Arlós. Foi la materia prima pa imprimir un modelu en 3D, que sirvió de base pa llevar a cabu la reconstrucción del instrumentu al detalle, como recordaron na conferencia. El lutier Carlos González, qu'intervieno per videoconferencia, recordó'l procesu de recreación fiel del modelu real, anque fixo falta construyir la rota a distinta escala de la orixinal en piedra pa poder tocala.
Finalmente, el músicu Héctor Braga encargóse de facela falar, nun procesu mui trabayáu pa traer al presente los soníos del pasáu. "Foi un ésitu dafechu", convinieron los conferenciantes, enantes de repartir los planos ente los asistentes a la charra y d'ufiertar un pequeñu conciertu col instrumentu. Una pieza singular qu'espertó muncho interés y que, agora , ta disponible pa tolos interesaos depués d'un llargu viaxe nel tiempu.
- Media España en alerta por lo que ha dicho la Guardia Civil sobre lo que está pasando con las tarjetas de crédito
- Alejandra Rubio abandona su casa con Carlo Costanzia
- Bruno, feliz ante la reciente noticia del embarazo, confirma en Reacción en cadena cómo se va a llamar el bebé: 'Como tú
- Los 'Mozos de Arousa' se despiden de Telecinco: Mediaset suspende el programa pese a los buenos datos de audiencia
- Suso Álvarez y las razones de su ruptura con Bea Retamal: 'No sabía que se estaba enamorando ni que tenía sentimientos
- Exigen el despido de la azafata de la Ruleta de la Suerte por esto que pasó en directo en el programa de Antena 3
- Duro adiós en la familia de Terelu Campos y Carmen Borrego: las hermanas comparten el dolor en redes sociales
- Segunda muerte de un joven en Cudillero en una sola tarde: un niño de 10 años en accidente de tractor
