ArcelorMittal prueba nun fornu altu de Gante un nuevu sistema de captura de CO2
El grupu, que desarrolla otru proyectu en Xixón, albidra por llantar el nuevu métodu a gran escala
![Unidá piloto de captura de carbonu instalada nun fornu altu d'ArcelorMittal en Gante (Bélxica).](https://estaticos-cdn.prensaiberica.es/clip/06730757-b013-4166-9f5b-bc6d870fa0fe_16-9-aspect-ratio_default_0.jpg)
Unidá piloto de captura de carbonu instalada nun fornu altu d'ArcelorMittal en Gante (Bélxica). / ArcelorMittal
La compañía siderúrxica ArcelorMittal entamó na so factoría de Gante (Bélxica) les operaciones esperimentales pa la captura de carbonu nes emisiones de gases residuales procedentes tantu del fornu altu como del fornu de recalentamientu del tren de laminación de bandes en caliente por aciu d'un equipamientu piloto desenvueltu en xunto coles compañíes xaponeses Mitsubishi Heavy Industries (MHI) y Mitsubishi Development a partir d'una tecnoloxía de la anglo-australiana MHI. A lo llargo d'ún o dos años, va probase'l sistema pa evaluar la so viabilidá nun esplegue a gran escala.
La captura de les emisiones de CO2 ye una de les tecnoloxíes nes que trabayen ArcelorMittal y otres industries del sector pa encarar la descarbonización del procesu siderúrxicu primero que la desapaición de los derechos gratuitos d'emisión na UE (va ser gradual ente 2026 y 2034) faiga inviable la continuidá de los procesos que lleven un altu impactu pol efectu invernaderu.
ArcelorMittal ta desarrollando en Xixón dende l'añu pasáu a escala semindustrial otra solución pa la captura de dióxidu de carbonu y producción simultánea d'hidróxenu, desenvuelta pol Institutu de Ciencia y Tecnoloxía del Carbonu (Incar) d'Uviéu.
En Gante, la siderúrxica utiliza una tecnoloxía patentada por MHI y que sería susceptible d'usu pal secuestru d'otros gases del procesu de producción d'aceru, incluyíu cuando s'usen fornos DRI en cuenta de fornos altos.
El proyectu puestu en marcha na factoría belga desarróllase en dos fases. Na primera, el sistema de captura aplícase sobre'l gas cimeru del fornu altu pa la captura d'hasta 300 kilos de CO2 por día y na segunda va probase'l métodu pa la separación y captura del dióxidu de carbonu nos gases residuales del fornu de recalentamientu del laminador de bandes en caliente, que quema un amiestu de gases industriales, ente ellos gas de coque, gases de fornu altu y gas natural.
“Cola ayuda del Gobiernu del Principáu d´Asturies”.
- Media España en alerta por lo que ha dicho la Guardia Civil sobre lo que está pasando con las tarjetas de crédito
- Alejandra Rubio abandona su casa con Carlo Costanzia
- Bruno, feliz ante la reciente noticia del embarazo, confirma en Reacción en cadena cómo se va a llamar el bebé: 'Como tú
- Los 'Mozos de Arousa' se despiden de Telecinco: Mediaset suspende el programa pese a los buenos datos de audiencia
- Suso Álvarez y las razones de su ruptura con Bea Retamal: 'No sabía que se estaba enamorando ni que tenía sentimientos
- Exigen el despido de la azafata de la Ruleta de la Suerte por esto que pasó en directo en el programa de Antena 3
- Duro adiós en la familia de Terelu Campos y Carmen Borrego: las hermanas comparten el dolor en redes sociales
- Segunda muerte de un joven en Cudillero en una sola tarde: un niño de 10 años en accidente de tractor