12 de junio de 2020
12.06.2020
La Nueva España

Revilla cree que tol Norte va tar "desconfináu" el vienres 19

El presidente de Cantabria, Miguel Angel Revilla, mostróse convencíu de que toles comunidaes autónomes del Norte d'España van abrir les sos fronteres el vienres, 19 de xunu, y sorrayó qu'adelantar trés díes l'apertura de la circulación "nun ye nengún riesgu" porque'l día 21 "yá toa España va quedar en teoría lliberada del confinamientu".

12.06.2020 | 16:32
Revilla cree que tol Norte va tar "desconfináu" el vienres 19

El presidente de Cantabria, Miguel Angel Revilla, mostróse convencíu de que toles comunidaes autónomes del Norte d'España van abrir les sos fronteres el vienres, 19 de xunu, y sorrayó qu'adelantar trés díes l'apertura de la circulación "nun ye nengún riesgu" porque'l día 21 "yá toa España va quedar en teoría lliberada del confinamientu".

El rexonalista destacó que toles autonomíes del Cantábricu tienen "mui bonos datos epidemiolóxicos" -toes tán na fase 3-, polo que "si nun asocede nada especial" y imprevisible, el vienres "va tar prácticamente tol norte d'España desconfináu": Cantabria, País Vascu, Asturies, Galicia, La Rioxa "y Navarra probablemente tamién".

"Nun creo que sía un riesgu esaxerao, qu'equí que tamos meyor que nel restu, podamos abrir trés díes enantes", sorrayó. Revilla realizó estes declaraciones a entrugues de los medios nun actu en Valdecilla, depués de qu'esti xueves decidiera nun adelantar al 15 de xunu l'apertura col País Vascu, como alcordara col lehendakari Iñigo Urkullu, n'atención al encamientu de Salú Pública, que "aconseya prudencia" énte los brotos hospitalarios rexistraos en dos hospitales de Bilbao y Alava.

Compartir en Twitter
Compartir en Facebook