Muncho más que poemes y dibuxos
L’Asociación d’Escritores d’Asturies fai entrega el sábadu de los premios del so concursu de caligrames, que cuntó con la participación de 450 escolinos
Los caligrames son poesíes, frases o conxuntos de pallabres que formen una figura, un dibuxu que tien que ver cola temática del escritu. Una bona montonera d’escolinos d’Asturies, 450, armóse de creatividá pa participar nel VI concursu rexonal de caligrames, qu’entama l'Asociación de Escritores d’Asturies y el conceyu de Pravia, unos premios enmarcaos nes XXII Xornaes Lliteraries del pasáu mes de payares.
"El marangolotio" foi el caligrama ganador na categoría de 8 a 10 años y foi obra del escolín uvieín Pelayo Fernández Rodríguez, que se basó nun poema homónimu de Carlos Murciano. "Plantegamos un tema llibre, los escolinos escoyíen un poema o bien podíen componer ellos unu y facer el caligrama", desplica la presidenta de la asociación d’escritores d’Asturies, Esther García López. "Tamién teníen la posibilidá de tresformalu... esti concursu busca animar a los rapacinos a que llean poesía", añede.
El prósimu día 27 sedrá la entrega de les distinciones a los y les ganadores na casa conceyu de Pravia. Y ehí tará la boalesa Leila Méndez Siñeriz, ganadora de la segunda categoría, na que competían escolinos de 11 a 13 años, que basó la so obra nel poema de Gustavo Adolfo Bécquer "No sé lo que he soñado", y la ovetense Claudia Pérez Arbesú, que fexo lo mesmu pero colos versos de Gil de Biedma "No volveré a ser joven" na so categoría de entre 14 y 16 años.
Habrá premios tamién pa la llanerina Lucía Redondo Soeiro y pal pravianu Jésus García García pol so caligrama “ La mariposa” na primer categoría. Na siguiente, tará galardonda la xixonesa Noa Alba Martín-Delgado, de 13 años. El tamién xixonés Alejandro Pablos Martínez y la sierense Mercedes Martín Vélez serán premiaos na gala del prósimu sábadu xunto al pravianu Noel Guerreiro Cano, qu’enllenó d'arte visual el poema "Mi árbol" de Antonio García Teijeiro. Toos recibirán diplomes pol so bon facer y participación nun concursu que lleva yá seis ediciones.
El corín infantil de la Escuela de Música praviana sedrá l’encargáu d’animar una xornada na que’l arte ye perimportante y muncho más la mestura ente versos, dibuxos y cultura qu’aporta el cenciellu fechu de construyuir un caligrama.
- Alerta urgente de la Policía Nacional para quienes reciben estas llamadas de publicidad
- Muere Itxaso Mardones, reportera de Gloria Serra en 'Equipo de investigación', a los 45 años
- Adiós a los Mozos de Arousa: el récord de un equipo de Logroño que ha derrotado a los gallegos
- Eliminación en Reacción en cadena: el "segundo" que cambia la vida a los Mozos de Arousa
- Demoledor escrito de la Comisión Europea: asegura que la prórroga del peaje del Huerna fue ilegal
- Desbancan a los Mozos de Arousa tras más de 200 programas: Juanjo, Nati y Dani hacen historia en Reacción en cadena
- Una famosa cadena abre tienda por sorpresa en el aeropuerto de Asturias
- El regalo del Gobierno para regalara el electrodoméstico cuando se rompa: se acabó el comprar uno nuevo