El colexu de San Cloyo reedita la victoria olímpica n’asturianu
El centru uvieín vuelve ganar per segundu añu consecutivu’l certame de redaición de l’Academia de la Llingua Asturiana
![Alumnos del colexu de San Cloyo, na actividá del área de Llingua Asturiana nel cursu pasáu.](https://estaticos-cdn.prensaiberica.es/clip/2e83b0e7-2017-4081-8280-a45c4461e357_16-9-aspect-ratio_default_0.jpg)
Alumnos del colexu de San Cloyo, na actividá del área de Llingua Asturiana nel cursu pasáu. / E. P.
E. P.
El colexu de San Cloyo caltién la so corona como campeón olímpicu d’asturianu. Per segundu añu consecutivu, el centru ganó’l Concursu de redaición escolar "Urbano Rodríguez" pa la etapa de Primaria convocáu pola Academia de la Llingua Asturiana. El colexu uvieín alzóse col trunfu nes dos ediciones celebraes hasta la fecha.
![Finalistes de les distintes categoríes, el xuráu ya integrantes de la organización. A mandrecha, Ana Menéndez y Lola Álvarez, colos sos diplomes. | ALLA / LNE](https://estaticos-cdn.prensaiberica.es/clip/caef7686-04cf-4a85-a235-55572bfbfdb7_alta-libre-aspect-ratio_default_0.jpg)
Finalistes de les distintes categoríes, el xuráu ya integrantes de la organización. / ALLA / LNE
Seis escolares pelearon na final nel Muséu Arqueolóxicu, con dos representantes del centru de San Cloyo: Ana Menéndez García y Lola Álvarez García, que cursen quintu. "Tamos percontentos cola respuesta de los alumnos a los trabayos pa preparar la olimpiada", apunta la profesora de Llingua Asturiana de Primaria, Lucía Menéndez, qu’amiesta que les dos estudiantes que pelearon pola final "tienen que tar arguyoses". La docente indica qu’a los grupos a los que da clase nel colexu de San Cloyo "gústa-yos enforma la escritura creativa". "Tou esto lleva trabayu de fondu y una base importante", fae.
![El colexu de San Cloyo reedita la victoria olímpica n’asturianu](https://estaticos-cdn.prensaiberica.es/clip/586d9f8c-955d-4bad-a0e6-6738db480eba_alta-libre-aspect-ratio_default_0.jpg)
Ana Menéndez y Lola Álvarez. / ALLA / LNE
Los dos representantes del centru escolar uvieín San Cloyo quedaron nes primeres posiciones nel concursu de Primaria. El primer premiu foi p’Ana Menéndez y el segundu pa Sonia Martínez. Lola Álvarez ocupó tamién ún de los puestos destacaos na olimpiada de redaición n’asturianu. "Tamos percontentes", aseguren les dos alumnes, que tornaron del Muséu Arqueolóxicu con premio.
A les estudiantes facilitáron-yos delles imaxes –d’oveyes y un molín, ente otres– y sobre elles teníen qu’escribir un relatu. L’anterior fase del concursu fixéronla nel colexu, pero pa esta tuvieron que dir hasta’l Muséu Arqueolóxicu. "Tábemos un poco nervioses", señalaron les dos alumnes del colexu de San Cloyo. El xuráu que valoró les redaiciones de los finalistes tuvo compuestu por Xosé Ramón Iglesias como presidente, con Aida Celemín de vocal ya Inaciu Galán como secretariu.
Diecisiete participantes de los más de 150 que ficieron la primer fase del concursu llegaron a la final entamada pola Academia de la Llingua Asturiana. En Secundaria y Bachilleratu, el primer premiu foi pa Martín Peña y el segundu pa Xune Artime, con una mención especial p’Aitana Carcedo.
El colexu de San Cloyo llevó la victoria nes sos dos participaciones nel certame. Alredor de mediu centenar d’alumnos, de primeru a sestu, del centru cursa Llingua Asturiana a lo llargo d’esti cursu. Esti trimestre van enfotase nes mazcaraes d’iviernu y nel próximu nos conceyos d’Asturies, ellaborando un mapa pa conocer les sos carauterístiques y creando inclusive una pequeña axencia de viaxes que facilite l’aprendizaxe.
Nel centru uvieín trabayen ensin llibros de testu pa Llingua, quitando en primer y segundu cursu de Primaria. Nel restu fáenlo con proyeutos.
Per otru llau, nel Certame de propuestes de terminoloxía especializada, dientro del Concursu d’investigación convocáu pola Academia de la Llingua Asturiana, la primer posición foi pa Xesús González Rato pol trabayu tituláu "Anovamientu y ampliación de términos médicos". El premiu col que ta dotáu’l concursu ye de 600 euros. El xuráu tuvo compuestu por Xosé Antón González Riaño, como presidente; Marcos Martínez Fernández, como vocal, y Ana María Cano González, como secretaria.
- Media España en alerta por lo que ha dicho la Guardia Civil sobre lo que está pasando con las tarjetas de crédito
- Alejandra Rubio abandona su casa con Carlo Costanzia
- Bruno, feliz ante la reciente noticia del embarazo, confirma en Reacción en cadena cómo se va a llamar el bebé: 'Como tú
- Los 'Mozos de Arousa' se despiden de Telecinco: Mediaset suspende el programa pese a los buenos datos de audiencia
- Suso Álvarez y las razones de su ruptura con Bea Retamal: 'No sabía que se estaba enamorando ni que tenía sentimientos
- Exigen el despido de la azafata de la Ruleta de la Suerte por esto que pasó en directo en el programa de Antena 3
- Duro adiós en la familia de Terelu Campos y Carmen Borrego: las hermanas comparten el dolor en redes sociales
- Belén Esteban confiesa por primera vez los motivos de su ruptura: 'El fallo lo tuve yo