El colexu Santa Teresa abre restaurante
Alumnos d’Infantil del centru uvieín averen a la gastronomía nun proyeutu con actividaes variaes
![Pela izquierda, Alejandro Menéndez del Llano, David Álvarez, Eva Gancedo, Emma Naves, Emma Cruz y Mario Martínez, delantre d’una de les meses enantes d’empezar la degustación.](https://estaticos-cdn.prensaiberica.es/clip/5ea2125e-bb3e-41dd-bb4c-91f4ac72d26a_16-9-aspect-ratio_default_0.jpg)
Pela izquierda, Alejandro Menéndez del Llano, David Álvarez, Eva Gancedo, Emma Naves, Emma Cruz y Mario Martínez, delantre d’una de les meses enantes d’empezar la degustación.
Los alumnos del últimu cursu d’Infantil, de 5 años, del colexu Santa Teresa de Xesús d’Uviéu averáronse esti trimestre a la cocina y a los restaurantes. El proyeutu que desarrollaron los 52 escolares nes aules a lo llargo de les últimes selmanes llevólos al IES Leopoldo Alas Clarín p’aprender de los estudiantes de los ciclos formativos del centru cómo s’ellaboren galletes y collaborar con ellos decorándoles. Tamién visitaron supermercaos y dos establecimientos hosteleros pa conocer el so funcionamientu.
![Mateo Aller echa la lleche al bol pa ellaborar, xunto a Manuela del Cura, el flan.](https://estaticos-cdn.prensaiberica.es/clip/4e0472de-1bb0-4475-b412-ab732fc4866d_alta-libre-aspect-ratio_default_0.jpg)
Mateo Aller echa la lleche al bol pa ellaborar, xunto a Manuela del Cura, el flan. / E. Peláez
N’adquiriendo conocimientos llueñe del centru de les Teresianes, punxéronse al llabor colo qu’aprendieren entamando un pequeñu "restaurante". Primero cocinaron y dempués tomaron nota de los pidíos de los veceros y sirvieron les meses. Los comensales del establecimientu na xornada de la so inauguración fueron los sos compañeros de 3 años. Y el platu escoyíu pa ufierta-yos foi un flan. "Échense güevos, lleche y azucre, y remuévese", afirma Emma Naves, de 5 años, esplicando cómo se fexo. N’enfornándolo, pa lo que recibieron ayuda de personal del colexu, yá taba llisto pa sirvir.
![Marina Fernández-Valdés, Vega Morilla, Marco Montequín y Sara Álvarez recueyen los güevos de la granxa de los gallineros de cartón de les clases de 3 años.](https://estaticos-cdn.prensaiberica.es/clip/bc1e8cf7-84fe-41dd-98e5-e5b615f4713f_alta-libre-aspect-ratio_default_0.jpg)
Marina Fernández-Valdés, Vega Morilla, Marco Montequín y Sara Álvarez recueyen los güevos de la granxa de los gallineros de cartón de les clases de 3 años. / E. Peláez
Pero, enantes, "punximos les meses", comentó Lara Álvarez, a la que, mesmo qu’al so compañeru Rodrigo Andrade, de toles xeres que fexeron la que más-y prestó foi "cocinar". "Fiximos la decoración", dixo David Álvarez, en referencia a les meses que prepararon primero que los veceros sentasen pa tastiar el flan. Nelles, apuntó Rodrigo Andrade, "teníemos un códigu QR". Aportando a él podía consiguise la receta.
![Alumnos d’Infantil nel güertu.](https://estaticos-cdn.prensaiberica.es/clip/67c95505-0b51-4efb-9795-bfd5ca3167e2_alta-libre-aspect-ratio_default_0.jpg)
Alumnos d’Infantil nel güertu. / E. Peláez
Un llabor qu’empezó buscando nel aula al qu’alleguen los más pequeños del centru, de 3 años, güevos, pa ellaborar el flan, nel orixinal piteru de cartón, que tien pites feches con papel. Esti proyeutu, que se llama "Los restaurantes", permite que los alumnos "trabayen dellos conteníos al tiempu" y qu’apriendan muncho", apuntó Salomé Alonso, coordinadora d’Infantil. Al pie d’ella trabayaron nel proyeutu Cecilia Fernández y Sonsoles de Barutell, docentes del últimu cursu del segundu ciclu d’Educación Infantil. María Fernández, Covadonga Martínez y María Aller son les profesores del primer cursu d’esta etapa educativa, que collaboraron nel proyeutu.
La iniciativa "Los restaurantes" inclúi tamién talleres de cocina, qu’imparten les families. "Implicáronse y participaron munches", aseguraron los profesores del colexu Santa Teresa de Xesús, dirixíu por Beatriz Flórez. A unos metros de les aules d’Infantil hai un güertu, que curien los escolares de 5 años. Ellí hai llechugues, espinaques, freses, perexil o albahaca, ya inclusive un espantuxu. Y un gallineru que llegó a tener pites.
- Media España en alerta por lo que ha dicho la Guardia Civil sobre lo que está pasando con las tarjetas de crédito
- Alejandra Rubio abandona su casa con Carlo Costanzia
- Bruno, feliz ante la reciente noticia del embarazo, confirma en Reacción en cadena cómo se va a llamar el bebé: 'Como tú
- Suso Álvarez y las razones de su ruptura con Bea Retamal: 'No sabía que se estaba enamorando ni que tenía sentimientos
- Belén Esteban confiesa por primera vez los motivos de su ruptura: 'El fallo lo tuve yo
- Vuelven las carabelas portuguesas y obligan a cerrar al baño una de las playas más concurridas de Asturias
- Se descubre la nueva ilusión de Suescun mientras participa en Supervivientes: 'Nos gustamos
- Alessandro Lequio rompe su silencio y habla abiertamente del problema de salud que padece: 'Me acaban de llegar los resultados