Suscríbete

Contenido exclusivo para suscriptores digitales

Rafael Palacios

Nun ye la llingua, ye la ultraderecha

Na Xunta Xeneral tol mundu, ensin escepciones, entiende cualisquiera de les llingües

Cualisquier persona demócrata taría preocupada pol escenariu políticu que s’abre na Xunta Xeneral al impidir, por primer vez na hestoria, l’usu normal del asturianu y del gallego-asturianu.

Pretender obligar a les persones que representamos la soberanía popular a presentar escrita previamente la intervención que se va facer o volver repetila en castellanu cuando, de forma discrecional, dalgún diputáu o diputada digan que nun entienden lo que se ta falando nuna de les llingües propies d’Asturies ye, amás d’una burlla, un intentu de boicotear el procesu de normalización llingüística y un ataque a les instituciones democrátiques.

Nun ye posible que la Xunta Xeneral permita que se ridiculice y tarace la llibertá y la dignidá de les persones que falamos nes llingües propies d’Asturies, proponiendo dalgo que nun tien precedente en dengún parlamentu del Estáu español. Nun se pue pretender treslladar la obligación de la traducción a la persona falante porque eso ye castigala y discriminala col oxetivu de desanimala nel usu de les llingües d’Asturies.

Agora bien, desmontemos la mentira. Na Xunta Xeneral tol mundu, ensin escepciones, entiende cualisquiera de les llingües que se falen con normalidá. Nun hai un problema de comprensión, hai un problema d’intolerancia y una voluntá de xenerar bronca y conflictu onde nunca los hubo. Na Xunta Xeneral siempre se falaron con normalidá les llingües propies d’Asturies. Tolos grupos parlamentarios en dalgún momentu usaron l’asturianu y el gallego-asturianu, independientemente del color políticu. El respetu y la normalidá yera la respuesta al usu de les llingües propies d’Asturies, hasta que llegó Vox.

Vox busca conflictu, nun ye un problema d’entendimientu. Busquen dividir a la sociedá y enfrentala. Pretenden facer política cola crispación, xenerando mieu y odiu na nuestra sociedá pa convertilos, esi mieu y esi odiu, nel so caladeru de votos. El problema nun ye la llingua, el problema ye la ultraderecha.

¿Quién pue pretender representar a la ciudadanía asturiana si nun entiende les llingües que fala?

Hablemos la lengua que hablemos, con el fascismo y la ultraderecha no hay posibilidad de entendimiento.

Compartir el artículo

stats