–Sopla, Julín.
–¡Dejaime en paz!
–¡Venga, pá! ¡Venga, vaaaa!
–¡Que me dejéis en paz!
–Tas en lo meyor de la vida.
–Sí, ho.
-Conociéndote dafechu, superando munchos mieos…
–¿Eh?
–Y cuanto más vieyu, más humanu.
–¿Que qué, ho?
–¡Oxitocina, papá! ¡Vas producir más oxitocina y vas desbordar humanidá!
–¿Más qué, ho?
–¡La hormona de la felicidá! Cuanto más vieyu…
–Más pelleyu, Maricarmen.
–¡Que non, pá, faime casu! ¡Cumplir años fainos meyores!
–¿Quién lo dijo?
–¡Ta estudiao, Julio! Dicen los americanos que cuantos más años cumples tas más satisfechu contigo mesmu y preocúpeste más polos demás.
–¡Gonsumadre, eso será allá!
–¡Sopla, suegru!
–Dejaime en paz.
–¡Tas fechu un rapacín! ¡Sopla, Julín!
–¿Pero a qué venís, a comer tarta o a tocame los coyones?
–Vaya, ho.
–Sois más pesaos qu’un collar de melones.
–¡Verás qué presto, pá! Cola edá vas garrando más habilidaes.
–Sí, sí. Pueo reír, toser y mexar al mismu tiempu.
–Que no, suegru, que cuanto mayores somos, más solidarios, amables y empáticos nos volvemos.
–Y dale. ¿Qué ye, pol tema de la herencia?
–Dizlo un estudio de la universidá. ¡Vas alcanzar la serenidá!
–Sí, ho…
–Con 71, controles meyor les tos emociones y yes menos esclavu de les tos pasiones.
–¡¿Queréis dejar de tocame los co…?!
–Nun sías repunante, pá, que dicen los americanos…
–¡Valió, eh! Valió.
–El celebru produz oxitocina en mayores cantidaes conforme se van soplando veles.
–¿Qué ye lo queréis, perres? ¿Queréis perres?
–¿Ves? Al liberar más cantidá de oxitocina, te faes más arrogante…
–¡La madre que vos parió!
–El celebru, pá, genera más hormones de la felicidá cuanto más amor hai nes nueses acciones.
–¿Amor?
–Claro, facemos buenes acciones. Y la humanidá fainos meyores.
–Nun me fío de vosotros, sabe más el diablu por vieyu que por diablu.
–¡Sopla, Julín, que lo meyor ta por venir!
–Sí, ho.
–Vas ser más desprendíu, más feliz.
–Sí, home, sí.
–¡Sopla, pá, que cumplir años fainos meyores!
–Mayores. Lo que nos fai ye mayores…
www.parandoenvillalpando.com
