–Meca, Severino, buena gana tienes de soplar.
–¿Por?
–Vamos hundinos igual.
–¿Entós?
–¿Nun ves cómo ta too?
–¿El qué, ho?
–Vas al súper y duelente los güeyos de ver los precios.
–Yá…
–Too sube, too hincha: la gasolina, la luz, la to barriga…
–Vaya, ho.
–...La cesta de la compra, el recibu del fútbol. ¡Hasta la sidra! ¿Oíste?
–Bueno, bah, son treinta centiminos.
–¡Una burrá, Severino! ¡Sube too! ¡Hasta’l Covid! ¿Oíste?
–Yá…
–¡En riesgu altu, otra vez! ¡Home, no me joder! ¿A ti paezte normal?
–A mí ya nun me paez normal na.
–Dígote una cosa. Tanto falar de les dietes de los políticos, y los que vamos facer dieta somos los trabayadores.
–¿Por?
–Al preciu que se tá poniendo too…
–Yá…
–Como sigamos así, comer carne en Semana Santa nun va ser pecao, va ser un milagru.
–Eso de la inflación ye…
–Ye vivir pagando los precios del añu que vien colos sueldos de fae diez años.
–Bueno, pero…
–Y la inflamación de la zona testicular cuando compares los precios colos sueldos.
–Yá, yá…
–Ye pagar quince euros por un corte de pelo de diez euros que valía cinco cuando yo tenía pelo. Y la mierda de sueldos. ¡El mi sueldu ye híbridu!
–¿Cómo ye, ho?
–La mitá vame en gasolina y la otra mitá n’electricidá.
–Bueno, anda. Ahora tamos de playa. Y ye gratis.
–De momento, ¿oíste?
–¿Qué, ho?
–Lo peor ta por venir.
–Vaya, ho…
–Toi más quemau que’l telefonillo de “El coloso en Llamas”.
–Desconecta un poco, Chano, disfruta de la playa.
–¿Cómo voi disfrutar? ¿Tu sabes cómo tá too? ¿A cuánto tienes los güevos?
–A dos centímetros del culo.
–Vaya, ho. Toi falándote en serio, Severino.
–Y yo, Chano, y yo. Toi de playa, cojona, ¡quiero desconectar!
–Por muncho que soples vamos hundinos igual.
–¡Calla la boca, cagonrós!
–Y amás, nun sé pa qué quies el flotador, si ya lu lluves incorporau.
–¿Qué?
–¡Mira qué barrigón, ho! ¿Fuisti a mirate el colesterol?
–Déjame en paz, faime’l favor.
–La xente ta morriendo de repente.
–¡Ponte p’allá, cagonrós, qu’inda vas tragar el flotador!
www.parandoenvillalpando.com
