Parando en Villalpando
Santa paciencia
El síndrome de Santa Claus
Santa paciencia / Pablo García
–Mira, Chema, yo…
–Dime, dime, ¡ho ho hooo!
–Quería convidate a salir.
–Uf, menos mal. Llevaba tanto tiempu deseyándolo.
–Pos, hala, ¡ehí tienes la puerta!
–¿Qué?
–¡Que te pires!
–Pero Marta Inés…
–¡Hala!
–¿Vas tratar asina a Santa Claus, ho?
–¡Pfff! ¡Santa paciencia..! Tolos años igual.
–Enriba que vengo vete, a faete la vida más feliz…
–Sí, ho.
–Colo que presta compartir rises, amor… ¡Ho, ho, ho!
–¿Pero tu quién crees que yes?
–¿Y tu? ¿Quién crees que yes tu pa gustame tantu?
–¡Anda, anda! Sal del chigre que me tienes contenta.
–Esa ye la idea. Que tees contenta, feliz, que llega Navidá. ¡Ho, ho, ho!
–¿Por qué nun dexes de faer el pijo, Chema? ¡Amás, nunca creíste en Papá Noel!
–De nenu, sí, perdona. Y depués… La vida.
–¿Qué dices?
–Primero unu cree en Papá Noel, depués unu nun cree en Papá Noel y, a la fin…
–¿Qué?
–Unu acaba paeciéndose a Papá Noel.
–Tas guapu…
–Ye lo que hai, Marta Inés.
–¡Pfff! Tendríes que cuidate un poco, Chema, en serio.
–¿Tas llamándome gordu?
–Non, Chemina, pero a ver…
–Toi bien curiosu, namás tengo esta barriguca que parez…
–El anillu de Saturno.
–Exagerá yes.
–¿Cuántu fai que non te peses, Santa Claus?
–¡Tiré la pesa, ho! ¡Cuando me pesaba en vez de los quilos ponía “continuará”!
–¡Anda, tira pa casina!
–Pon otru cacharru, Martina. ¡Ho, ho, ho!
–Bebes más que los peces del villancicu.
–¡Coime, meyor pa ti! Enriba que te saco’l chigre adelantre…
–Yá, lo malo ye aguantate. ¿Seguro que tas bien?
–Nun sé. Debo tener insuficiencia renal.
–¿En serio?
–Sí, ho. ¡Perdí un reno, ho ho ho!
–Qué tuntu yes.
–Déxate querer como mereces, déxame mostrame como soi, enseñate el anguleru que llevo dientro.
–¡Valió, Chema! Yes más pesáu qu’una mosca dientro del váter.
–Túvite vixilando, nun te faigas la buena a estes altures del añu.
–¡Pírate, Chema, faime’l favor!
–¡Ho ho ho!
–Siempres te faltó una patatina pa’l quilu pero ye que llegando estes feches…
–Yo… Yo… ¡Ho ho ho!
–¡Hala, hala, ehí tienes la puerta!
–¡Que soi Santa Claus, ho!
–¡Buo! ¡Santa paciencia!
www.maxirodriguez.net
Suscríbete para seguir leyendo
- El Madrid gana contra su voluntad
- Un calentón puede gripar el motor
- En todo caso, una irresponsabilidad
- La Corredoria, punto neurálgico para Asturias y para Oviedo
- El caso del señor enamoradito
- Días para reflexionar
- Una nueva entrega de Parando en Villalpando: Cuando Sali bloqueó a Javi
- La esposa del césar
