04 de mayo de 2018
04.05.2018

Así fue el discurso completo por la Oficialidá

La manifestación fue convocada por la Xunta pola Defensa de la Llingua Asturiana en el "Día de las Lletres Asturianes"

04.05.2018 | 20:22

Nin un día más con un derechu menos

La Xunta pola Defensa de la Llingua Asturiana quier davos a toos y a toes les gracies por participar nesta manifestación d´apoyu a la celebración del Día de les Lletres que venimos faciendo dende va bien de tiempu. Por desgracia pa la salú democrática d´Asturies, yá son décades manifestándonos ensin que se dea respuesta a la nuestra reivindicación de la oficialidá.

Ye verdá que nun podemos más que felicitanos pol éxitu de les últimes convocatories. Demostróse día a día´l clamor social a favor de reconocer oficialmente unos derechos ciudadanos que nun tán reconocíos tovía pa la xente que fala asturianu y gallego-asturianu.

Como diximos na manifestación del 21 d´abril, garremos un testigu de xeneraciones qu´agora apurrimos a los diputaos y diputaes de la Xunta Xeneral. Y diximos bien claro que´l momentu ye agora, nesta llexislatura: non l´añu que vien o d´equí a unos años. Ye inaceptable tar un día más asina siendo sabedores de la inxusticia y habiendo una mayoría posible pa pone-y remediu. Nun ye tiempu pa los cálculos electorales o pa les lluches internes nos partíos. Hai un bien mayor que ye dar derechos ciudadanos a quien nun los tienen. Unos derechos negaos porque la llei nun los reconoz. Y eso sí que ye imposición.

El procesu yá lu espliquemos munches veces. Si hai 12 diputaos o diputaes dispuestos, puen presentar na Xunta Xeneral la propuesta de reforma del artículu 4 del Estatutu. Yá tienen, dende va meses, la redacción que-yos propunximos dende la XDLA y qu´ellaboremos coles aportaciones y conseyos d´un grupu de xuristes. ¿Hai 27 diputaos a favor de la oficialidá? Queremos sabelo. Si pa la llexislatura que vien nun los hai, va ser una oportunidá histórica que perdimos. Por eso dicimos que´l momentu ye agora.

El debate de la oficialidá ye, primero de nada, de sí o non. Pal reconocimientu de los derechos llingüísticos nel nuestru ordenamientu xurídicu nun hai términos medios: una llingua o ye oficial o nun lo ye. O una llingua ye válida llegalmente a tolos efectos o nun lo ye. Y agora, como bien sabemos, l´usu del asturianu y del gallego-asturianu nun tienen reconocida la so validez.

Desque exista l´estatus xurídicu d´oficialidá, más alantre, na llexislatura que vien por exemplu, yá habrá tiempu p´aprobar una Llei de Normalización Llingüística que desenvuelva, col mayor consensu posible y cola aportación de toles fuercies polítiques, sindicales y sociales, cómo va ser na práctica esa oficialidá.

Les coses son más clares de lo qu´abulten. Pero, nun vos preocupar, que yá s´encargarán ellos d´escureceles con tópicos y prexuicios. Tienen l´altavoz de les tribunes mediátiques pa emporcar esti debate colos espantayos de rigor: imposición, radicalismu, independencia..., ¡l´acabóse!

Namás un exemplu. Esti día, Pedro Sanjurjo aprovechó´l so papel de presidente de la Xunta Xeneral —un papel que tenía que ser institucional, de consensu— pa dar un discursu contra la postura que defende´l so propiu partíu.

Aprovechó un actu de la Selmana de les Lletres pa falar contra´l reconocimientu de los derechos llingüísticos. ¿De toles llingües? Non, por supuestu. Los derechos de los falantes de castellanu yá tán reconocíos. Vienen de serie. Él ta en contra namás de qu´esos derechos s´amplíen tamién a los falantes d´asturianu y gallego-asturianu. Pero él nun lo diz asina porque queda feo. Dizlo chiscando´l discursu coles falacies argumentatives de rigor.

La primer trampa ye presentase como falante de gallego-asturianu porque ser falante d´un idioma, anque namás seya nes fiestes de guardar, yá te dexa sentencialu a muerte. Como ye tuyu, tienes derechu a dexar que muerra. Eso ye un clásicu.

Pro fémosye úa pergunta al señor Sanjurjo, en galego-asturiano, pra que nos entenda. Se ta a favor de qu´as linguas s´usen con libertá, ¿cómo pensa tornar a situación de minorización que sufren y que ta cortanto a tresmisión de padres a fiyos, de madres a fiyas? Esa parte saltóula, señor Sanjurjo, porque en realidá sabemos que nun ye dá muito máis. Gústaye qu´as cousas sigan como tán.

Últimamente l´argumentariu de los intolerantes ta garrando otra vertiente. Agora acúsennos de que nos mueven los sentimientos y non la razón. ¿Cómo? La tolerancia qué ye, ¿sentimientu o razón? ¿Qué ye la solidaridá? ¿Qué ye´l respetu a los derechos ciudadanos? ¿Sentimientu o razón? Pero ¿en qué manes tamos? ¿Ye esti´l nivel políticu de los líderes que nos tuvieron negando una reivindicación que llevamos décades reclamando?

Ta claro que too esto ye un síntoma de que se ven sobrepasaos por esta marea de de normalidá democrática. Ampliar derechos ye´l futuru. Negalos ye´l pasáu. Por eso los dinosaurios salen de les llurigues pa facer declaraciones, p´avisar del apocalipsis si se dan derechos ciudadanos.

Asina que nós a lo nuestro, que ye abrir espacios a la llibertá, a los derechos y a la democracia n´Asturies. Si hai futuru más democráticu y meyor, los derechos van tar aseguraos. Si´l futuru ye otru, nun va a haber nada pa naide, nin derechos nin futuru mesmu.

Nesti Día de les Lletres festexamos la llingua, la cultura y la lliteratura asturianes, que percuerren la nuestra hestoria a lo llargo de sieglos. Col vuestru llabor y compromisu facéis que cada día una fueya nueva s´escriba. Agora, tamos a puntu de pasar páxina de la falta de derechos y de reconocimientu.

Ye´l momentu. Llegó la hora de dexar atrás décades de negación y parálisis, y ponese al llabor de salvar el nuestru patrimoniu llingüísticu pa les xeneraciones futures.

¡L´asturianu, llingua oficial! Agora!

Compartir en Twitter
Compartir en Facebook

Televisión


Fotografías de Toni Moreno (i) y Emma García (d).
Toñi Moreno y Emma García intercambian sus programas en Mediaset

Toñi Moreno y Emma García intercambian sus programas en Mediaset

Este cambio vendría por la intención de Paolo Basile de intentar reflotar 'Mujeres y Hombres y...

Ana Rosa Quintana desvela que tuvo cáncer

Ana Rosa Quintana desvela que tuvo cáncer

La presentadora aprovecha el Día Mundial contra el Cáncer de Mama para realizar este anuncio

Belén Esteban corta en directo a la persona que llamaba a su teléfono

Belén Esteban corta en directo a la persona que llamaba a su teléfono

La colaboradora de 'Sálvame' tiró de grosería, dejando a Carlota Corredera sin palabras

´GH VIP´: Verdeliss descubre el sexo de su bebé en pleno directo

´GH VIP´: Verdeliss descubre el sexo de su bebé en pleno directo

Tras cumplir el cuarto mes de gestación, a la concursante le han realizado una ecografía


´GH VIP´: Sale a la luz la conversación que demuestra que Techi mintió sobre Isa Pantoja

´GH VIP´: Sale a la luz la conversación que demuestra que Techi mintió sobre Isa Pantoja

La pequeña del clan Pantoja nunca había mentido sobre el no 'edredoning' con Asraf

´GH VIP´: Verdeliss y Asraf, salvados de la expulsión

´GH VIP´: Verdeliss y Asraf, salvados de la expulsión

Miriam y Techi no reciben el apoyo del público y una de ellas abandonará este jueves el programa