La escuela de cero a tres años "Los Gigantinos" de Cangas del Narcea recibió esti martes, 19 de febreru, el nuevu material preparáu pol Serviciu de Normalización Ll.ingüística del conceyu sur-occidental dientro de la so campaña de tresmisión llingüística.
Relacionadas
Esti material, que yá tien gociao d'éxitu notros conceyos asturianos, como Avilés, propón una manera bien intelixente d'introducir la educación en llingua asturiana nos grupos de neños más pequeños: pente medies de "dous packs de materiales, unu del monte ya outru de la casería", indícase-y a la reciella que tien de xunir les pieces de l'alfombra-puzzle de Goma EVA (con siluetes d'animales del monte y de la casería), con "fichas de maderas de Banova colas ilustraciones d'estos mesmos animales p'asociar unas ya outras".
Asina, esta campaña fai por afitar na xente menudo los nomes n'asturianu de xabalinos, llobos, venaos o partes de la casería tradicional, ayudando tamién al reconocimientu d'estos y al desendolcu d'un conocimientu del mundu natural y tradicional.
El diseñu de la campaña foi obra de Signum, empresa gráfica que recibió un premiu internacional pola mor d'esta mesma campaña, qu'agora ta acabante d'aportar al conceyu cangués.