Falten niales pa tantos AVES

Pal añu que vien preparen

tantos proyeutos pa Asturies

que van terminase toes

les miseries y penuries

celebrando tolos díes

con xareos y fartures

les coses que van pasar

y viénenmos toes xuntes

sin que mos dé tiempu apenes

poder escoyer algunes.

Vamos tener trenes nuevos

que bona falta mos facen,

y a consecuencia de ello

vienen pacá tantos AVES

que vamos exportar güevos

y van a faltamos niales

pa que duerman tantos páxaros

y nun queden poles calles.

Pal añu que vien Uviéu

ye capital gastronómica:

van pone-y un sol Repsol

a la cocina económica,

colos culetes de sidra

van dar fabes y boroña

y garfiellaes de callos

y calderaos de sopa.

Y como esto de comer

dase bien y nun tien fin

va cumplise centenariu

equí de Casa Fermín

–de la comida santuariu–,

y amás d’ello el mes de abril

van xuntase cocineros

n’ Asturies que van a venir

pa celebrar un congresu

y tanto toos equí

van facer cates de quesu

a les que podremos dir.

Y marchar también podemos

anque poca falta fai

con tolo que equí tenemos:

del aeropuertu de Asturies

van aumentamos los vuelos

a Italia a Portugal,

y también van a ponelos

a Inglaterrra y Alemania

y los de Madrid a precios

que ya podemos pagalos

sin tener que pidir créditos,

porque sin non, vas en tren

onde podremos movemos

y atayando por los túneles

tamos en Madrid en menos

del tiempo que de otra forma

gastamos nos aeropuertos.

Así que o baxen el preciu

o queden sin pasaxeros.

Pue ser, con un poco suerte,

que depués de munchu tiempu,

algún equipu asturianu,

sea el Xixón o el Uvieu

vuelva a xugar en primera

si siguen esi progresu.

Por si con tolo que cuento

alguien nun queda contentu

los reyes van a vinir

tres veces por el momentu:

van a vinir los de Oriente

pal día seis de xineru,

pa mayo los de Madrid

pa la fiesta del exércitu

y depués vuelven pa ochobre

que ye cuando dan el premiu

a los Princesa de Asturies

y al más destacáu pueblu.

¡Tres veces tamos de reyes

y tovía mos quexamos:

yo voi poner les madreñes

en llugar de los zapatos

o el carretillo con cestes

porque caben más en elles!

Y si me dexen tar cerca

en eses veces que vienen

si puedo pidi-yos algo

y si ellos me lo conceden,

pol monólogu asturianu

que falen col presidente

del Principáu pa que dé-y

sin más disculpes ni esperes

una medalla de Asturies

al que fue el gran referente

de esti oficiu, de esti arte,

que tenéis equí presente:

a José Manuel Pandiella,

exemplu de buena xente,

un cachu de nuestra historia,

que tovía tien pendiente

que Asturies lu reconozca

y que el gobiernu se acuerde.

Y dispídome sin más,

munches gracies por oyéme,

gracies a LA NUEVA ESPAÑA,

munches gracies por lleeme;

que termine el añu en paz

y que terminen les guerres.

Suscríbete para seguir leyendo