Asturies afina una “Rede de Normalización Llingüística” pa evitar duplicidaes

La conseyería de Cultura y Política Llingüística llanzó una propuesta de decretu pol que se crea y regula la Rede de Normalización Llingüística, un organismu que pretende coordinar les distintes iniciatives pa la normalización del usu del asturianu y aprovechar asina'l trabayu realizáu nos distintos servicios col porgüeyu d'evitar duplicidaes. 

Antón García, director xeneral de Política Llingüística, esplica que con esti órganu lo que se pretende ye “una mayor coordinación ente'l Principáu y los conceyos pa poder trabayar axuntadamente” na normalización de la Llingua. L'oxetivu ye que'l trabayu realizáu polos distintos servicios pueda tar a disposición de toos, lo que puede amenorgar costos y entainar el trabayu.