'Camín de Fierro' estrena'l so discu 'Rock&Fierro' con un conciertu en Proaza
La Banda de Gaites Camín de Fierro, de los conceyos de Santu Adrianu, Proaza y Teberga, va estrenar el so discu nuevu, 'Rock and Fierro', el 9 de xunetu con un conciertu en Proaza.
Trátase d'un trabayu orixinal que s'atreve cola fusión de la gaita y el rock, y con una producción na que collaboraron artistes como Jorge Otero, Pablo Moro, Toli Morilla y Xune Elipe, ente otros.
El Conceyu apuesta asina por esta cita como conciertu del branu y la hostelería ufierta paquetes especiales p'acoyer al públicu. La cita va ser a les 22.30 hores, nel polideportivu de Proaza.
El conciertu, con 20 músicos sobre l'escenariu, va retresmitise per streaming y tien la financiación pública, amás del Conceyu de Proaza, de la Conseyería de Cultura al traviés del programa 'Asturies Cultura en Rede'.
Más en N'asturianu
-
Esta será la nueva "ayalga" del Belles Artes que se va ver n'Avilés
-
La meyor música n'español tien temes asturianos: doce artistes nacionales escueyen los sos cantares favoritos
-
La tienra semeya de cuatro hermanos que trunfa nel concursu d'atapeceres d'El Franco (con más de 800 fotos participantes)
-
El paisaxe industrial al traviés de la fotografía de José Ferrero: "Apurre una mirada mui peculiar"