Abierta la convocatoria de los circuitos d'Asturies, Cultura en Rede
La Sociedá Pública de Xestión y Promoción Turística y Cultural del Principáu d'Asturies publicó la convocatoria pa la selección de propuestes de los circuitos d'artes escéniques, música, lliteratura, cultura tradicional y artes visuales d'Asturies, Cultura en Rede, un proyectu de la Conseyería de Cultura, Política Llingüística y Turismu realizáu en collaboración colos conceyos asturianos y xestionáu pola sociedá pública.
Les bases tán disponibles na web www.asturiesculturaenrede.es. Les solicitúes pa estos circuitos puen presentase al traviés de http://panel.asturiesculturaenrede.es a partir del 15 de marzu, a les 12:00 hores, y hasta'l 4 d'abril, a les 12.00 hores.
Pa los circuitos d'artes escéniques, música, lliteratura y cultura tradicional van ellaborase, desque se validen los proyectos, dellos llistaos dixitales que se van poner a disposición de los Conceyos que participen nesta iniciativa pa qu'escueyan los proyectos que quieran incorporar a la so programación cultural pal segundu semestre del añu.
Nel casu del circuitu d'artes visuales, los proyectos escoyíos van desenvolvese en dos fases: el diseñu, desenvolvimientu y producción va llevase a cabu primero del 31 d'avientu d'esti añu; y la exhibición va tener llugar a partir del 1 de xineru del 2024 y con una duración mínima d'un mes por sede o conceyu.
Más en N'asturianu
-
Esta será la nueva "ayalga" del Belles Artes que se va ver n'Avilés
-
La meyor música n'español tien temes asturianos: doce artistes nacionales escueyen los sos cantares favoritos
-
La tienra semeya de cuatro hermanos que trunfa nel concursu d'atapeceres d'El Franco (con más de 800 fotos participantes)
-
El paisaxe industrial al traviés de la fotografía de José Ferrero: "Apurre una mirada mui peculiar"