Asturies caltien el lideralgu nel sector naval magar el puxu d'Armón en Galicia
Los astilleros del Principáu atropen el 46% de l'actividá n'España nel primer trimestre del añu y tienen pidíos pa construyir 27 buques
Astilleru d'Armón en Xixón. / Pablo Solares
Asturies caltien el so lideralgu nel sector de la construcción naval española y ello magar el fuerte apueste del grupu naviegu Armón por rellanzar el mayor astilleru priváu d'España, el qu'adquirió'l pasáu añu a Hijos de J. Barreras en Vigo (Pontevedra). Según datos publicaos esti día pol Ministeriu d'Industria, Comerciu y Turismu, Asturies atropaba al zarru del primer trimestre d'esti añu'l 40% de la cartera de pidíos de barcos (frente al 31% de Galicia y el 29% del País Vascu) y ente xineru y marzu concentró'l 46% de l'actividá del sector (frente al 34% del País Vascu y el 20% de Galicia). Esti últimu índiz tien en cuenta les puestes de quilla, les botadures, les entregues y les característiques de los buques.
Al zarru de marzu, los astilleros que los grupos asturianos Armón y Gondán tienen nes localidaes de Navia, Veiga, Xixón y As Figueiras teníen una cartera de pidíos de 27 barcos, lo que supon xusto la metá de los 54 pidíos del conxuntu del sector de la construcción naval española. Sopesando les característiques de los buques, la cuota d'Asturies ye del 40%, la más alta ente toles rexones. Amás, hai que tener en cuenta que'l grupu naviegu Armón tien astilleros en Galicia, nes localidaes de Burela (Lugo) y Vigo (Pontevedra), y que nesta última ciudá la empresa asturiana reforzó la so presencia n'adquiriendo les vieyes instalaciones de Hijos de J. Barreras y axuntales a les que yá tenía. Si se tiene en cuenta esa actividá en Galicia, el lideralgu de los grupos asturianos de construcción naval ye apolmonante.
Armón
El grupu con sede en Navia tenía al zarru de marzu una cartera de pidíos de 29 barcos repartíos ente los sos astilleros d'Asturies y Galicia. Nel llistáu hai buques de pesca, ferris pal tresporte de pasaxeros y carga, remolcadores, buques d'investigación oceanográfica y embarcaciones de salvamentu. Los pidíos vienen de países de trés continentes. En concretu d'España, Italia, Arxentina, Eslovenia, Portugal, Nicaragua, Nueva Zelanda, Islandia, Países Baxos, México ya Isles Malvines.
Gondán
L'astilleru del conceyu de Castropol cerró'l primer trimestre del añu con una cartera de pidíos de cinco buques na so división d'aceru (la estadística d'Industria nun contabiliza los barcos de la división de fibra). Nesti casu la cartera ta menos diversificada que la d'Armón. Cuatro pidíos son de buques de sofitu a parques eólicos marinos pa Noruega y el quintu ye un barcu de sofitu y caltenimientu de faros pa Escocia (Reinu Uníu).
- El hombre del insulto viral ("por siete votos...") a Sánchez en Oviedo se gasta 2.000 euros al mes para protestar contra el Gobierno: "Soy de centro y fui amigo de Abascal, aunque me distancié
- Si eres un amante del buen comer, La Chalana te trae algo que te interesa
- El error judicial que deja impunes a ocho "ángeles del infierno" de Asturias tras la gran operación policial contra ellos
- El peaje del Huerna se prorrogó para obtener más dinero: LA NUEVA ESPAÑA desgrana el dictamen de la UE que pone en entredicho la tasa de la autovía
- Barbón, desatado en Ferraz defendiendo a Sánchez: "¡Rebelémonos contra la injusticia!
- Crónica de la jornada en la que Villaverde renovó mandato en la Universidad de Oviedo por seis años: una proclama reiterada y votaciones llamativas en algunos campus
- El Principado reacciona al informe de la UE sobre el peaje del Huerna: "Es demoledor, los asturianos merecen un respeto
- Primera condena a una residente de un geriátrico público asturiano por golpear a una auxiliar: "Os voy a rajar
