El carbón resístese a morrer n'Asturies: preparen la reapertura d'una mina en Cangas del Narcea
Carbones de Gillón quier reactivar la estracción d'antracita na vieya esplotación soterraña de Minarsa y aprovechar la so escombrera
Una de les bocamines de la esplotación de Carbachu. | P. R. / Pablo Castaño
Asturies resístese a char la última paletada pa soterrar definitivamente la minería del carbón. En plenu procesu de transición enerxética hacia les enerxíes anovables, la empresa Carbones de Gillón prepara la reapertura de l'antigua mina d'antracita de Carbachu, en Cangas, que s'esplotó tou'l sieglu pasáu por Minas y Antracitas del Narcea (Minarsa).
El plan de Carbones de Gillón tien una pata no qu'agora se denomina economía circular cuidao que, amás d'esplotar l'antigua mina soterraña, la compañía tamién pretende aprovechar materiales depositaos na escombrera de la esplotación y ponese a la so restauración. Poro, el planteamientu nun ye'l mesmu qu'el de la minería del sieglu pasáu.
El proyectu ta en tramitación –nestos momentos ta n'información pública l'estudiu d'implantación– y la intención de la compañía ye que'l carbón sacáu y l'estéril d'escombrera s'aproveche pa la so combustión en centrales térmiques. N'España esti tipu d'instalaciones tán sumiendo, pero n'otros países de fuera de la Unión Europea'l so horizonte ye muncho más ampliu y el puertu graneleru d'El Musel convirtióse nos últimos años en centru loxísticu d'esti mercáu internacional.
Carbones de Gillón, empresa nacida fai más de 15 años y con sede en Cangas del Narcea, yá intentó va una década recuperar l'actividá nes antigües instalaciones de Minarsa, pero problemes sobre la propiedá de los terrenales anexos albortaron aquel primer intentu. Agora la compañía cuenta invertir más de 1,28 millones d'euros pa retomar l'actividá.
De primeres, los propietarios pretenden volver a entamar la esplotación soterraña Carbachu-Norte pa la estracción d'antracita. Pa ello proxéctase rozar y acondicionar los accesos, encuriosar la plaza y les instalaciones esteriores (cuartu d'aséu, taller, almacén y llampistería), revisar los llabores d'interior de la galería principal, reparar les víes ya instalar un compresor y un xenerador autónomu. Prevese un plazu d'ente 9 y 12 meses.
El proyectu complétase col aprovechamientu de la escombrera amiesta y la construcción d'una nave industrial destinada a oficines, vestuarios y almacén. L'arranque d'estériles va facese por aciu de banquéu por medios mecánicos (ensin voladures) y dempués van realizase llabores de peneráu.
- Media España en alerta por lo que ha dicho la Guardia Civil sobre lo que está pasando con las tarjetas de crédito
- Alejandra Rubio abandona su casa con Carlo Costanzia
- Bruno, feliz ante la reciente noticia del embarazo, confirma en Reacción en cadena cómo se va a llamar el bebé: 'Como tú
- Suso Álvarez y las razones de su ruptura con Bea Retamal: 'No sabía que se estaba enamorando ni que tenía sentimientos
- Belén Esteban confiesa por primera vez los motivos de su ruptura: 'El fallo lo tuve yo
- Vuelven las carabelas portuguesas y obligan a cerrar al baño una de las playas más concurridas de Asturias
- Se descubre la nueva ilusión de Suescun mientras participa en Supervivientes: 'Nos gustamos
- Alessandro Lequio rompe su silencio y habla abiertamente del problema de salud que padece: 'Me acaban de llegar los resultados
