El Archivu d'Indianos va estudiar la rehabilitación del edificiu amiestu
El patronatu de la fundación espresa'l so pesar pol fallecimientu recién de Begoña Serrano, que foi vocal de la institución
Pela izquierda, Santiago González, José David Vigil-Escalera, Pablo León, Paz Fernández Felgueroso, Concepción Paredes, Jorge Martínez, María Antonia Fernández Felgueroso y Antonio Trevín. | M. V. / M. Villoria
M. Villoria / Sixto Cortina (Traducción)
La Fundación Archivu d'Indianos va estudiar la viabilidá d'entamar la rehabilitación de la "Quintuca" l'edificiu amiestu allugáu nel recintu de Colombres. Asina lo esplicó esti día Paz Fernández Felgueroso depués de la xunta del patronatu de la fundación que tuvo llugar na quinta Guadalupe.
"Falemos de que nel futuru vamos tener que ponenos cola rehabilitación del edificiu amiestu, sobremanera pa cuestiones d'investigación que tomen espaciu abondo", comentó la vicepresidenta de la Fundación, qu'actuó como presidenta na xunta énte l'ausencia de Francisco Rodríguez. Tamién van impulsar la redacción del proyectu pa facer visitable la terraza del teyáu de la casona indiana. "Sí, contamos con avanzar nesos dos anteproyectos, el mirador y l'otru edificiu", esplicó Felgueroso. Na xunta, amás, aprobáronse les cuentes y revisóse la memoria del añu. "Fueron unes cuentes mui positives, l'archivu va bien y siguimos incrementando visites, faciendo inversión y tiénense dixitalizao permunchos documentos que se consulten per internet; tamién rematemos l'ascensor y el Patronatu espresó'l so contentu pola marcha del Archivu", dixo, destacando les contribuciones de los patronos, mesmo del Principáu como d'Abanca, nunes cuentes que ronden el mediu millón d'euros.
Tamién treslladó'l sentir del Patronatu pol fallecimientu de Begoña Serrano, exdirectora d'Emigración y Memoria, que yera vocal de la Fundación. "A lo llargo de munchos años tuvo na Fundación con aportaciones siempre mui positives y sentimos toos enforma la so perda", dixo la vicepresidenta de la Fundación.
Na sesión dimitió l'exalcalde Jesús Bordas y foi presentáu'l nuevu rexidor del conceyu, Jorge Martínez, que va pasar a formar parte del órganu xestor cuando sía designáu polos fundadores. "Agradecimos a Bordás el so trabayu y entusiasmu pol archivu; el mesmu qu'amosó'l nuevu Alcalde, rescamplando la importancia del Archivu pal conceyu", afirmó Felgueroso. Sigue en marcha, amás, la constitución d'una fundación con República Dominicana.
- Media España en alerta por lo que ha dicho la Guardia Civil sobre lo que está pasando con las tarjetas de crédito
- Alejandra Rubio abandona su casa con Carlo Costanzia
- Bruno, feliz ante la reciente noticia del embarazo, confirma en Reacción en cadena cómo se va a llamar el bebé: 'Como tú
- Suso Álvarez y las razones de su ruptura con Bea Retamal: 'No sabía que se estaba enamorando ni que tenía sentimientos
- Belén Esteban confiesa por primera vez los motivos de su ruptura: 'El fallo lo tuve yo
- Vuelven las carabelas portuguesas y obligan a cerrar al baño una de las playas más concurridas de Asturias
- Se descubre la nueva ilusión de Suescun mientras participa en Supervivientes: 'Nos gustamos
- Alessandro Lequio rompe su silencio y habla abiertamente del problema de salud que padece: 'Me acaban de llegar los resultados
