"Xuntanzas", el proyectu qu'entama Cangas pa combatir la soledá de los mayores del mundu rural
"Naz cola ilusión d'escuchar. Ye un programa contra l'olvidu nel sentíu más ampliu de la palabra", diz la conceyala de Servicios Sociales
L'alcuentru desrrolláu en Viescas. / R. T. C.
Llámase "Xuntanzas" y ye un proyectu del Conceyu de Cangas destináu a combatir la soledá de les persones mayores na zona rural. “Xuntanzas naz cola ilusión d'escuchar a los mayores de la zona rural. Ye un programa contra l'olvidu, nel sentíu más ampliu de la palabra, porque los mayores van crear el caleyeru más auténticu de la so parroquia compartiendo una xornada d'alcordances”, resumió la conceyala de Servicios Sociales, Alba García.
Nesta primer edición "Xuntanzas" va tener forma de taller itinerante y va tar dedicáu a arrexuntar la toponimia de los espacios públicos de los distintos pueblos del conceyu. Pa ello, ye fundamental el testimoniu de los vecinos de mayor edá. La iniciativa cumple dellos oxetivos como tamién acabar coles dificultaes de los mayores de los núcleos rurales p'aportar a la ufierta d'ociu y entretenimientu. “Pa estos vecinos movese a la villa ye un enguedeyu y dependen d'otres persones, polo que munches vegaes vense obligaos a arrenunciar a talleres y otres iniciatives. Pa compensar esta desigualdá fai falta esparder la ufierta a los pueblos”, amestó la edil.
Cuenta tamién la fórmula de "Xuntanzas", qu'empieza con una xunta de presentación na que se concreta la fecha de la primer sesión de trabayu. Esi día va tocar batallón de memoria p'arrexuntar infinidá de topónimos. La sesión va tar empobinada pola responsable del Serviciu de Normalización Llingüística de Cangas, que documentará tolos datos axuntaos. A lo último, va ponese en llimpio tola información nuna sesión que va ser grabada por una emisora local.
El primer alcuentru tuvo llugar en Biescas y les impresiones son positives: “Tamos satisfechos cola acoyida d'esti primer alcuentru. La xente respondió fenomenal. La idea ye siguir trabayando y esparder esti programa al mayor númberu de parroquies posibles”. Va haber una presentación final con tolos datos arrexuntaos.
- Media España en alerta por lo que ha dicho la Guardia Civil sobre lo que está pasando con las tarjetas de crédito
- Alejandra Rubio abandona su casa con Carlo Costanzia
- Bruno, feliz ante la reciente noticia del embarazo, confirma en Reacción en cadena cómo se va a llamar el bebé: 'Como tú
- Suso Álvarez y las razones de su ruptura con Bea Retamal: 'No sabía que se estaba enamorando ni que tenía sentimientos
- Belén Esteban confiesa por primera vez los motivos de su ruptura: 'El fallo lo tuve yo
- Vuelven las carabelas portuguesas y obligan a cerrar al baño una de las playas más concurridas de Asturias
- Se descubre la nueva ilusión de Suescun mientras participa en Supervivientes: 'Nos gustamos
- Alessandro Lequio rompe su silencio y habla abiertamente del problema de salud que padece: 'Me acaban de llegar los resultados
