Corvera celebra a lo llargo de tol mes la "Folixa del Llibru"
El Conceyu entamó delles presentaciones, llectures compartíes y obres teatrales, toes de calter gratuitu
![Una llectura compartida en Corvera.](https://estaticos-cdn.prensaiberica.es/clip/df7a7c1f-fb38-4dfe-9ced-a833521979eb_16-9-aspect-ratio_default_0.jpg)
Una llectura compartida en Corvera. / Julián Rus
Corvera celebra la Folixa del Llibru, convocatoria cola que cada añu per estes feches intensifíquense les actividaes lliteraries y de fomentu de la llectura nel conceyu, alredor del Día Internacional del Llibru que se conmemora en tol mundu cada 23 d'abril. Presentaciones d'obres lliteraries, alcuentros con autores llectures compartíes y representaciones teatrales van celebrase en delles sedes culturales del conceyu, con calter gratuitu, hasta'l mes de mayu.
La Folixa del Llibru entamó nel Centru Sociocultural de Les Vegues cola presentación de la novela "Vrësno" de Carolina Sarmiento y siguió na mesma sala, cola presentación del poemariu "Segunda crónica en verso", de Francisco Javier Rodríguez Amorín.
De la mano nesti casu del circuitu autonómicu "Asturies Cultura en Rede", güei miércoles va haber un taller d'escritura creativo al cargu de Factoría Norte, a manera de celebración de los 25 años d'hestoria de la compañía. Igualmente, gracies a "Asturies Cultura en Rede", el xueves 18 d'abril, va haber un segundu taller d'escritura de misteriu, dirixíu por Susana María Sela col títulu "Academia de detectives", a les 12.40 hores, na biblioteca pública de Cancienes.
El 19 d'abril el Conceyu de Corvera va celebrar la tradicional llectura compartida, que va dar empiezu a les 16.30 hores y va rematar dando pasu a les 18.30, a la representación de "La Corregidora", d'Alejandro Casona, nel salón d'actos del Centru Cultural de Trasona José Avelino Iglesias "Chas".
La Folixa del Llibru va siguir el llunes 22 nel teatru El Llar, a partir de les 19.00 hores, con un "debateatro" cola compañía Hixénicu Papel que va reestrenar obra "Gasolina con capullos", de Chechu García. El martes día 23 d'abril, na Biblioteca Pública José Ramón Rodríguez, allugada nel Centru Cultural de Los Campos, a les 18.00 hores celebrará'l Día Internacional del Llibru con una sesión de cuentos compartíos y l'actuación de la coral de l'asociación Difac, a les 19.15 hores, nel salón d'actos del mesmu centru.
- Media España en alerta por lo que ha dicho la Guardia Civil sobre lo que está pasando con las tarjetas de crédito
- Alejandra Rubio abandona su casa con Carlo Costanzia
- Bruno, feliz ante la reciente noticia del embarazo, confirma en Reacción en cadena cómo se va a llamar el bebé: 'Como tú
- Suso Álvarez y las razones de su ruptura con Bea Retamal: 'No sabía que se estaba enamorando ni que tenía sentimientos
- Belén Esteban confiesa por primera vez los motivos de su ruptura: 'El fallo lo tuve yo
- Vuelven las carabelas portuguesas y obligan a cerrar al baño una de las playas más concurridas de Asturias
- Se descubre la nueva ilusión de Suescun mientras participa en Supervivientes: 'Nos gustamos
- Alessandro Lequio rompe su silencio y habla abiertamente del problema de salud que padece: 'Me acaban de llegar los resultados