Más viaxeros al tren (mineru): l'ecomuséu de Samuño bate'l so récord de visitantes nel primer trimestre del añu
L'equipamientu recibió a 5.694 turistes, 2.100 más que nel mesmu períodu del añu anterior
L'Ecomuséu Mineru del Samuño batió un nuevu récord de visitantes, en recibiendo a lo llargo del primer trimestre del añu a 2.100 turistes más que nel mesmu períodu del añu anterior. Nel recuentu "influyó que la Selmana Santa, con gran llegada de públicu, coincidiera esti añu col mes de marzu", destacó'l gobiernu local de Llangréu.
Nos trés primeros meses d'esti exerciciu, l'Ecomuséu del Valle del Samuño recibió, en concretu, a un total de 5.694 visites, "superando por muncho'l númberu de visitantes nel mesmu períodu de tiempu del añu pasáu, nel qu'allegaron al Ecomuséu 3.594 persones", sopelexaron los responsables municipales. "De magar esiste rexistru de visites esti ye'l trimestre con mayor númberu de llegaes. En 2022, cuando la Selmana Santa tamién coincidió nesti períodu, hubo 2.950 visites, cifra que menguó nos años anteriores por aciu de la pandemia".
El Conceyu de Llangréu valoró positivamente la llegada al equipamientu a lo llargo de la Selmana Santa, que cuntó cola visita de 1.932 turistes nel periodu festivu frente a los 1.604 visitantes rexistraos l'añu pasáu y los 1351 del exerciciu del 2021.
Los equipamientos turísticos del Muséu de la Siderurxa y del Ecomuséu Mineru del Valle del Samuño recuperaron apocayá'l so serviciu de cafetería. La UTE xestora (formada por Sadim y Global) atopó un nuevu restaurador pa facese cargu del serviciu. Trátase de Julio Menéndez, actual xerente de la casa de comides La Raíz, que, agora tamién da los sos servicios nel Musi y nel chigre del pozu San Luis. Dambos equipamientos permanecíen cerraos dende va dos años en quedando desiertu'l concursu d'axudicación y nun allegar nenguna ufierta pa la so esplotación.
Xestión
La xestión del chigre del Ecomuséu Mineru del Samuño va tar agora más venceyada al pasáu mineru ya industrial de la zona "poniendo especial curiáu na promoción de productos, bebíes y gastronomía de la zona con referentes como'l picnic o el bocáu mineru, el clásicu pinchu de tortiella de picadiellu o chorizu que se llevaba al tayu. Pal Muséu de la Siderurxa, yá se ta pensando na organización d'actividaes o eventos con productos de la zona", esplicó'l gobiernu local.
“Cola ayuda de la Conseyería de Cultura, Política Llingüística y Turismu del Principáu d´Asturies”.
- Media España en alerta por lo que ha dicho la Guardia Civil sobre lo que está pasando con las tarjetas de crédito
- Alejandra Rubio abandona su casa con Carlo Costanzia
- Bruno, feliz ante la reciente noticia del embarazo, confirma en Reacción en cadena cómo se va a llamar el bebé: 'Como tú
- Suso Álvarez y las razones de su ruptura con Bea Retamal: 'No sabía que se estaba enamorando ni que tenía sentimientos
- Belén Esteban confiesa por primera vez los motivos de su ruptura: 'El fallo lo tuve yo
- Vuelven las carabelas portuguesas y obligan a cerrar al baño una de las playas más concurridas de Asturias
- Se descubre la nueva ilusión de Suescun mientras participa en Supervivientes: 'Nos gustamos
- Alessandro Lequio rompe su silencio y habla abiertamente del problema de salud que padece: 'Me acaban de llegar los resultados
