El Muséu Antón de Candás cumple 35 años y celebra'l so aniversariu
La programación inclúi una esposición colos retratos que'l candasín fexo a lo llargo de la so trayectoria
Dolores Villameriel, directora del muséu, y el conceyal David González contemplen una obra d'Antón. / Alicia García-Ovies
El Muséu Antón de Candás abrió les sos puertes un 13 de xunetu de 1989, rematando un llargu procesu que s'entamó na década de los setenta. Daquella los herederos d'Antonio García, Antón, empecipiaron negociaciones col Conceyu de Carreño col envís de dona-y la obra del artista que calteníen dende diba más de cuatro llustros. Pasaron 35 años y pa celebralo'l centru museísticu programó delles actividaes que se van desenvolver a lo llargo de los próximos meses.
Toes estes actividaes van facese so un nuevu logo conmemorativu realizáu pol diseñador candasín Goyo Rodríguez. "El Muséu Antón afitóse colos años nel panorama artísticu. Les sos sales acepten tanto obres modernes como tradicionales, son accesibles y nun te come l'espaciu. Eso fai que munchos artistes quieran esponer equí. Que Candás cunte con unes instalaciones asina ye importante", destacó Dolores Villameriel, directora del muséu, na presentación fecha va unos díes na que tuvo acompañada pol conceyal de Cultura, David González.
La programación diseñada pel centru museísticu dedica especial atención a les esposiciones. La más relevante va tar centrada nel mesmu Antón y nos dibuxos que realizó a llápiz y a oliu. El muséu decidió esponer una galería de semeyes na que van poder vese dos pieces inédites de 1936. La primera ye un orixinal realizáu pol artista candasín, mentanto que la otra ye una fotografia d'otru retratu. "La nuesa intención dende'l principiu a la de preparar la programación yera cuntar con un periodu del añu nel que'l muséu tuviera íntegramente dedicáu a Antón", esplicó González.
L'amuesa yá ta abierta y va poder visitase hasta'l 21 de xunetu. El restu d'esposiciones pa esti añu son "Amador. Escultures, dibuxos y semeyes" (26 de xunetu al 29 de setiembre ); "Retratos del otru. Nobleza", de Marta Fresneda (4 d'ochobre al 24 de payares); y una amuesa dedicada a Javier del Río (29 de payares al 1 de marzu de 2025).
“Cola ayuda de la Conseyería de Cultura, Política Llingüística y Turismu del Principáu d´Asturies”.
- Viajar en tren la tarde del viernes desde Madrid a Asturias, misión imposible
- Asturias logra 16 banderas azules en sus playas: estos son los dos nuevos arenales que suma el Principado
- El día en el que salió a la luz el escándalo de la prostitución de cinco menores tuteladas por el Principado: un terremoto con alguna precuela
- Terremoto tras el escándalo de las menores tuteladas prostituidas en Asturias: el PP pide una dimisión y crecen las voces que dicen que "algo falló
- Lastra forzó "el paso al frente" de Barbón para evitar "la única oportunidad del PP
- Asturias se cuela en la nueva temporada de La Que Se Avecina: tres protagonistas cantan el himno de la región
- La Ópera de Oviedo se viene arriba en un vuelo a Venecia, ofrece un concierto a bordo y los viajeros acaban llorando: "No me lo esperaba y ha sido increíble
- Barbón lo tiene claro y desvela su futuro político en la FSA y en el Principado
