L'institutu Alfonso II d'Uviéu xube al Olimpu de la inxeniería
Trés alumnos de 4.u d'ESO ganen la Olimpiada asturiana, llogren el pase a la nacional y yá piensen en volver presentase'l próximu cursu
Pela izquierda, Natalia Bes, Lorena Jaume y Mateo Domenech, xunto al profesor Julio César Rueda. / Mario Canteli
Trés alumnos del IES Alfonso II alzáronse como ganadores de la Olimpiada d'Inxenieríes industriales d'Asturies por equipos y, amás, atroparon tol podiu na puntuación total, que tenía en cuenta la preba por grupos y la individual. Mateo Domenech, Lorena Jaume y Natalia Bes, de 4.u d'ESO, col so profesor Julio César Rueda como tutor, vencieron na tercer edición de la competición qu'entamen la Escuela Politécnica de Xixón, el Colexu Oficial d'Inxenieros Industriales del Principáu y el Colexu Oficial d'Inxenieros Técnicos Industriales d'Asturies.
Esti trunfu permíte-yos representar a Asturies na Olimpiada nacional d'Inxenieríes industriales que se va celebrar el 17 de xunetu en Girona. "Queremos volver presentanos l'añu qu'entra", afirmen los trés estudiantes, qu'esti añu participaron nel certame na categoría d'ESO y el próximu cursu podríen facelo na de Bachilleratu. "Tamos percontentos", señalaron en recibiendo los resultaos de la olimpiada asturiana, na que participaron una ventena d'equipos de toa Asturies.
La preba tuvo llugar el pasáu 18 de mayu na Escuela Politécnica d'Inxeniería de Xixón. Los trés estudiantes recibieron unes lentes de realidá virtual pa caún. A Mateo Domenech, por ser primeru na olimpiada , los organizadores apurriéron-y un llector de llibros electrónicos, y a Natalia Bes y Lorena Jaume, en segunda y tercer posición respeutivamente, un vídeu proyeutor y una impresora. Na preba n'equipu que superó l'equipu del IES Alfonso II cola meyor nota tuvieron que resolver un pequeñu problema d'inxeniería con material d'oficina como papel, clips o cinta de pegar. "Tuvimos que proponer cómo rescatar a un escursionista que cayó a un ribayu montando una ponte plegable o desmontable y utilizando polees pa izalu", esplicaron los alumnos.
Natalia Bes, Lorena Jaume y Mateo Domenech llograron la meyor puntuación al valorar la eficacia, la presentación, el tiempu y el costu de los materiales emplegaos. "Pasámoslo perbién", dixeron. Los trés alumnos formen "mui bon equipu y equilibráu", aseguró'l so profesor de l'asignatura de Tecnoloxía, onde desarrollen munchos de los proyeutos. Pa esti preparáronse a lo llargo de más d'una selmana. Esti certame nun ye l'únicu nel que participen xuntos.
La Olimpiada d'inxenieríes industriales tien ente los sos oxetivos el d'aguiyar l'interés polos oficios venceyaos a la inxeniería industrial en particular pero tamién otres del ámbitu tecnolóxicu, de la ciencia y de les matemátiques. Los integrantes del equipu galardonáu del IES Alfonso II, que cursen 4.u d'ESO, quieren estudiar na Universidá enseñances rellacionaes. "Prestaríanos inxeniería", aseguraron Lorena Jaume y Natalia Bes. Mateo Domenech axunta a esta opción les de física o matemátiques, nuna olimpiada nacional xuvenil na que va participar en poco menos de trés selmanes representando a Asturies. Va viaxar a Melilla xunto a otros dos estudiantes escoyíos nel certame asturianu de matemátiques.
- Media España en alerta por lo que ha dicho la Guardia Civil sobre lo que está pasando con las tarjetas de crédito
- Alejandra Rubio abandona su casa con Carlo Costanzia
- Bruno, feliz ante la reciente noticia del embarazo, confirma en Reacción en cadena cómo se va a llamar el bebé: 'Como tú
- Suso Álvarez y las razones de su ruptura con Bea Retamal: 'No sabía que se estaba enamorando ni que tenía sentimientos
- Belén Esteban confiesa por primera vez los motivos de su ruptura: 'El fallo lo tuve yo
- Vuelven las carabelas portuguesas y obligan a cerrar al baño una de las playas más concurridas de Asturias
- Se descubre la nueva ilusión de Suescun mientras participa en Supervivientes: 'Nos gustamos
- Alessandro Lequio rompe su silencio y habla abiertamente del problema de salud que padece: 'Me acaban de llegar los resultados
