L'autovía A-8 yá rexistra retenciones de siete quilómetros ente les localidaes cántabres de Colindres y Laredo, en sentíu Santander, namás unes hores depués de que Cantabria y País Vascu abrieren la movilidá ente dambes comunidaes autónomes.
La recuperación de la circulación ente les dos autonomíes empezó a les 00.00 hores, al dar por acabada la fase 3 y l'estáu d'alarma pol andanciu del coronavirus, y a les 9.25 hores de güei produciéronse les primeres retenciones que namás media hora depués algamen los siete quilómetros.
Asina, hai retenciones dende'l quilómetru 174 en Colindres hasta'l 167 en Laredo en sentíu Santander.
