Ye lo que veo ardiendo nos sos güeyos:
el color tuerbo del té nel vasu de cristal
onde unes fueyes de menta tresuden,
esa arena mui fino vuelto a moler
pel aire qu'acarreta les llárimes del Nilo,
la nueche impenetrable del desiertu...
Pero tamién la tela que la escuende,
la manera fugaz en que me mira
pa baxar darréu, muyer, esa mirada
y matar endientro la sombra del dolor:
más del noventa y siete por cientu
de les muyeres exipcies (musulmanes,
cristianes, animistes...) sufrieron,
entá sufren,
l'ablación.