45º. Selmana de les Lletres
Posa

. / .
Si pudiera llexislar pa detener el tiempu,
y facer una posa, aquí, nesti requexu,
aniada contigo, abrigaos polos versos,
y que m’esaminares de tantes lleiciones
que nun se m’escaecieron.
Y que calificares con nota escelente
les velees de siempre, y el desasosiegu.
Si pudiera llexislar pa detener el tiempu.
Demientres nestos versos
faigo un repasu estensu,
y borro y corrixo y refaigo
el diariu de los años,
el mapa de deseos.
Y suprimo momentos.
Y suspiro n’ayén.
Y lloro en soledá.
Y siento les tos manes
que calecen les míes
pa dilir el xelu.
Y les nueches azules
que tiñen el silenciu.
Si pudiera esquerar
nos mios pensamientos,
y ser notaria fiel de tolos recuerdos,
y ver lluces y sombres y caminos eternos,
y derritir la nieve de tolos iviernos.
Y llorar,
y suañar,
y volver a la infancia,
(allí onde tán ellos).
Si yo tuviere fuerces
pa desempañar l’espeyu,
y arrendar resplandores
qu’enxamas s’apagaren
que nun fueren efímeros, y allumaren el vientu,
y brillaren la lluvia,
Y templaren l’iviernu.
Si pudiera alquilar un baúl grandísimu
y guardar baxo llave, petites y emociones,
estrelles y secretos,
col boles d’alcanfor
pa que nun s’apoliyaren los bonos momentos.
Si pudiera llexislar pa detener el tiempu…
Suscríbete para seguir leyendo
- Emma García comienza Fiesta con una dura noticia para uno de sus colaboradores: 'Quizá tenga que irse de su propia casa
- La mujer de Jesulín confirma la sorpresa tras el anuncio de Makoke y Escassi
- El hospital simulado que la Universidad Europea montará en Gijón pondrá a Asturias a la altura de sus grandes sedes en Madrid y Valencia
- En solo unas horas cerrará al tráfico hasta finales de abril uno de los tubos de este túnel de la Autovía del Cantábrico
- El Principado autoriza los dos primeros parques de baterías en Asturias, uno en Siero y otro en Corvera
- CC OO denuncia un 'linchamiento moral y profesional' al jefe de explotación de la estación de esquí de Pajares
- Belén Rodríguez, hospitalizada tras el diagnóstico de cáncer de garganta: 'Nos está dejando...
- Dos heridos de consideración en un accidente de tráfico entre dos turismos en Mieres