El colexu Noega vístese de bata blanca
El centru xixonés estudia’l cuerpu humanu y conciencia sobre’l sangre: "Son los donantes del futuru"
El colexu Noega bombia un compromisu enllenu d’aprendizaxe. El centru del barriu xixonés de Contrueces ta somorguiáu nun proyectu interdisciplinar onde da too vueltes alredor del cuerpu humanu. Había delles iniciatives sobre la mesa a propuesta del claustru, y l’alumnáu escoyó la de "Ello yera una vegada... la vida", serie de dibuxos animaos con vocación didáutica y divulgativa. "Ye’l filo conductor", afirma la profesora Erika Justo, que xunto a Diana Calleja encargáronse de da-y forma a les actividaes, toes elles relacionaes cola ciencia, yá sía estudiando la célula o’l sangre. A los escolinos de segundu de Primaria présta-yos asgaya precisamente la postrera. Afataos coles sos bates blanques de científicu, ganen conocimientos sobre los componentes del sangre, los glóbulos coloraos y blancos, les plaquetas, etc. Trabayen árees como llingua, matemátiques o inglés.
Pa que les enseñances repercutan fuera del aula, el colexu sofítase na pedagoxía del aprendizaxe-serviciu cola ellaboración d’un puntu d’información. "Buscamos que la xente s’anime a donar", recalca Erika Justo. Los alumnos faen los sos propios carteles informativos, nos qu’avisen sobre los grupos sanguíneos esistentes o les carauterístiques de les persones que tán en disposición de donar. L’aplicación de delles competencies ye una de les ventayes del proyeutu, apunta Justo. "Fiximos gráfiques y controlamos diagrames porque miramos cuántes reserves de sangre hai n’Asturies. Y desenvuélvense competencies artístiques", esplica la docente, qu’empondera’l "trabayu collaborativu" que desendolquen los estudiantes. Pero nun ye namás no educativo onde añera l’oxetu del plan, tamién na "parte social". "La conciencia ye bien importante, ellos son los donantes del futuru y queremos qu’animen a les sos families", señala Erika Justo.
Danylo Nishchuk, Candela Gama y Nel Busta trabayen mui curioso a la hora de repasar los detalles d’un dibuxu del cuerpu humanu acompañáu de les sos venes y arteries. Nishchuk tien más tomada la lleición. "Aprendimos los tipos de sangre y que’l corazón bombia", asegura. Dalgunos de los requisitos pa ser donante tamién los conoz ce por be. "Hai que pesar más de 50 kilos y tener 18 años", diz. Candela Gama reivindica lo guapa que quedó la so bata de científica. Púnxo-y munchu enfotu p’afatala. A la conversación axúntase Nadia Pando, que comenta que’l corazón ye fundamental nel aparatu circulatoriu. Por implicación cola causa nun va ser nel Noega...
Rocío Quintanilla amuésase satisfecha cola gota de sangre que pintó cola inestimable ayuda de Jesús Sánchez ya Iris Iglesias. El logo foi’l más votáu pa crear darréu una mascota cola que representar el proyeutu. "Vete a donar y el to sangre va tar xenial" ye l’eslogan pol qu’optó Bruno González nel marcu de la campaña de concienciación del centru. "Hai pocu sangre nel bancu", llamenta González mientres apalpuña una tarxeta qu’informa del so nome y apellíu. Nel Noega hai entamos de científicos. "Ye más prestoso aprender asina", afita Abril González.
"Ello yera una vegada... la vida" tornó del pasáu pa colase nes clases del colexu, que combina la formación cola sensibilización nun tema tan trescendental como’l sangre. Pel Noega circulen llitros de solidaridá.
- Belén Esteban habla abiertamente de su problema de salud: "Me han encontrado...
- Alerta urgente de la Policía Nacional para quienes reciben estas llamadas de publicidad
- Reacción en Cadena da la sorpresa con el cambio de concursantes: ¿Qué ha pasado con los Mozos de Arousa?
- Oviedo baraja el miércoles o el sábado como días para el futuro mercadillo semanal de la plaza del Conceyín
- Así es la ganadería y la quesería de La Arquera, en venta por falta de relevo: "Está funcionando al cien por cien y es ideal para alguien que conozca el sector
- Supervivientes 2024': Claudia, sexta expulsada y Miri regresa a la lista de nominados con el debut de Torres
- Otro hito para la llegada de los Avril: el primer AVE con pasajeros completa un trayecto Madrid-Asturias en el que "se va muy bien
- Adiós a los Mozos de Arousa: el récord de un equipo de Logroño que ha derrotado a los gallegos