Manipulación para principiantes

–¿Qué tal con Chefi, ho?

–Na. Tamos a puntu d’empezar una relación romántica. Pero yo…

–¿Qué?

-Ye que nun sé si me gusta… Na. Igual paso. Pero lo malo ye…

–¿Qué?

-Nun sé cómo facelo. Dame palu díci-ylo.

–Yá, normal.

-Y yo, Pepe, nun soi de facer ghosting.

–Eso ta pasáu de moda, Lito. Agora lo que tienes que facer ye "slow fading".

–¿El qué, ho?

–"Desvanecimiento lentu".

–¿Cómo ye, ho?

–Dir desapareciendo poco a poco, gradualmente, de la so vida…

–Meca. Pero yo…

–Empieces por pijadas.

–¿Pijadas?

–Sí, ho. Si quier quedar díces-y que tas malu, que tas liau, que quedasti pa dir al partíu…

–¿Y si vuelve llamame? ¿Dígo-y que…?

–¡Chissst, nada de dar esplicaciones! Que sufra, Lito, que se coma’l tarru.

–Probe, ho.

–¡Ye la moda, gallu!

–Pero eso duel.

–Tienes que dexar de mostrar interés pero non de golpe, poco a poco..

–¡Meeee! ¿Y si me pregunta?

–¿El qué, ho?

-¿Sigo importándote? ¿Quiesme…?

–Nada, Lito. Nin mu. Poques cites, poco teléfonu…

–¿Y los mensaxes de testu?

–Na. Nun respuendas. O tarda muncho en responder.

–¿Pero sigo quedando con ella o non?

–Sí, ho. Pero cero pasión. Rutina, muncha rutina. Nada de facer planes.

–¿Entós?

–Que siempres tire ella del carru. Tu en plan "qué sé yo, veremos ver…".

–Jobar. Pero y si ella me diz que…

–Nin la escuches.

–¿Cómo ye, ho?

–Tate pendiente del móvil mientres te fala, de la tele, d’un periódicu que tengas a mano… Y, eso sí, asiente cola cabeza mecánicamente.

–¿Entós?

–Simple, cortante… Un paisano ye un paisano, coño.

–¿Y si me cuenta los sos planes, los sos suaños?

–¡Nin putu interés! Lito, paez mentira pa ti…

–Ya, pero entós va ver que quiero dexalo, cortar.

–¡Claro! Pero tu niégalo tou, que tenga esperances.

–Meca, qué cabrón, ¿non?

–Nun esclaries nada, que se sienta insegura.

–Jobar, Pepe..

–Que tenga problemes d’enfotu, que dulde, que si, que non…

–Probe, Chefi. ¿Y eso non ye manipulación?

–Ye lo que se lleva, Lito, dempués del goshting…

–¿Y nun sería más fácil, esplicárselo tou, falar les coses, dar la cara, charrar?

–Qué va, qué va… ¡¡¡Slow fading, chaval!!!

www.parandoenvillalpando.com