Opinión | Parando en Villalpando
Una nueva entrega de Parando en Villalpando: Cuando Sali bloqueó a Javi
Comedia romántica en la zona alta
Cuando Sali bloqueó a Javi / Ilustración: Pablo García
–¡Pero Sali…! ¿Entós?
–A la mierda, Javi. Acabóse.
–Pero…
–Bona gana tengo yo de disgustame…
–¿Pero qué ye lo que puse, que te ofendió?
–Meyor mantener la distancia, cielín. Acabóse.
–¿Qué foi, lo de los Alvia, lo de Vinicius, lo de..?
–Cuando nun ye una cosa ye otra.
–¿Que qué, ho?
–Non quiero mantener una interacción virtual contigo. Tienes el muru del feisbu más puercu qu’un váter públicu.
–¿Qué pasa, que nun puedo poner un jabalí, unos gatinos…?
–Tu pones gatos y yo pongo límites.
–¿Cómo ye, ho?
–Tengo qu’evitar interacciones negatives.
–Pero yá nun puedo etiquetate, Sali, nin mentate, nin…
–¡Te bloquié, carapijo!
–Yá nun apaeces na mio llista d’amigos.
–¿Qué te toi diciendo?
–Nun puedo ver les tos publicaciones nel mio perfil, les nueses conversaciones desapaecieron…
–¿Pero cómo te lo tengo qu’esplicar? Les guerres, el fútbol, la pola…
–¿Qué ye, qu’agora te jode que sía de la Pola?
–¡La polarización, Javi! ¡Tamos toos rayaos, a la que salta!
–¿Que qué, ho?
–Yo veo’l to muru con esos memes, esos escudos, eses banderes y pongome mala.
–Les coses hai que hablales, Sali.
–Tas guapu, anda.
–Lo que nun se puede, vidina, ye andar bloquiando asina, a lo zorro.
–Necesito cuidame emocionalmente, Javi.
–Y yo, Sali. Y yo. El bloquéu ta afectandome mogollón.
–¿En serio?
–Sí, cuca. Ando gachu, murniu, rebotáu…
–Busca a alguien que te de herramientas.
–¿Ferramientes pa qué? Yo tengo de too nel taller.
–¡Un psicólogo, Javi! Si nun sabes gestionar eses emociones…
–Puf. Tengo problemes d’autoestima, ansiedá, Sali…
–¿Y tengo yo la culpa, Javi?
–Nun quiero conflictos. Prefiero evitar l’enfrentamientu.
–Y yo tamién, cielo. Por eso te bloqueé.
–¿Por?
–Si tamos agora, vida, con esta tensión…
–¿Qué, ho?
–Imagínate enfrentanos nel playoff.
–¡Meca, calla por Dios!
–Imagínate enfrentanos por una plaza d’ascensu a primer división.
–¡Puf! Yo nun sé si lo soportaría, mi amor.
–Nin yo, vida, nin yo.
–¿Entiendes agora por qué te bloquié, amor? En casina, juntinos. Pero…
–Tienes razón. Nes redes bloqueadinos tamos meyor.
www.maxirodriguez.net
- Media España en alerta por lo que ha dicho la Guardia Civil sobre lo que está pasando con las tarjetas de crédito
- Alejandra Rubio abandona su casa con Carlo Costanzia
- Bruno, feliz ante la reciente noticia del embarazo, confirma en Reacción en cadena cómo se va a llamar el bebé: 'Como tú
- Los 'Mozos de Arousa' se despiden de Telecinco: Mediaset suspende el programa pese a los buenos datos de audiencia
- Suso Álvarez y las razones de su ruptura con Bea Retamal: 'No sabía que se estaba enamorando ni que tenía sentimientos
- Exigen el despido de la azafata de la Ruleta de la Suerte por esto que pasó en directo en el programa de Antena 3
- Duro adiós en la familia de Terelu Campos y Carmen Borrego: las hermanas comparten el dolor en redes sociales
- Segunda muerte de un joven en Cudillero en una sola tarde: un niño de 10 años en accidente de tractor
