El ciclu de música asturiana 'Amosando' principia a emitir selmanalmente videos de les sos actuaciones
El ciclu 'Amosando' va facer esti añu emisiones selmanales con pieces de cantares grabaos nes ediciones 2019 y 2020. Van ser más de 30 emisiones qu'axunten a dellos de los artistes más renomaos de la escena n'asturianu. La iniciativa, según indiquen al traviés de nota de prensa, surdió énte la falta de música en vivo por mor de la crisis sanitaria.
L-R, Xaime Martínez, Ún de Grao, D'Urria, Anabel Santiago y Eva Tejedor & Les Pandereteres, Cerezal, Silvia Quesada, Felpeyu, Fruela 757, Bestiariu (con Alicia Álvarez y David Varela) y Misiva, dan forma a estes emisiones que van ser tolos domingos a les 21.30h nel Facebook e InstagramTV de musicasturiana.com.
Amosando ye un ciclu de presentaciones de discos entamáu por musicasturiana.com, con un formatu ente conciertu acústicu con aforu reducíu, programa de televisión y alderique; too ello emitío per Internet pa qu'aporte a persones de tol mundu, según informa EUROPA PRESS.
Más en N'asturianu
-
Doce hoteles rurales a la venta nes Cuenques en plenu "boom" del pisu turísticu
-
Una "seña d'identidá" a puntu d'esbarrumbar
-
El Principáu va crear unos premios pa distinguir el trabayu pola cultura y la llingua asturiana
-
Aporten les primeres instrucciones d'usu del asturianu na Alministración: l'algame de la midida