Nacho Vegas estrena'l so discu nuevu esti vienres en Navia
El músicu y escritor Nacho Vegas vuelve a los escenarios col so trabayu 'Mundos inmóviles derrumbándose' el 28 de xineru nel Auditoriu Fantasio de Navia.
Trátase del espaciu onde se xestó l'álbum y onde l'artista quixo, polo tanto, inaugurar la xira nun actu simbólicu. Nun va ser esta la so única parada na so Asturies natal, porque'l músicu va actuar tamién en Xixón el 4 de marzu nel Teatru Xovellanos.
Nacho Vegas va vese arropáu sobre l'escenariu por una banda nueva. Nun van faltar nella los sos habituales y imprescindibles Manu Molina, batería, y Joseba Irazoki, guitarrista. A ellos xúnense compañeros musicales nuevos del altor del baxista Hans Laguna, cantautor y productor, y Ferrán Resines, teclista. A esta banda sólida súmase en directu la berlinesa afincada en Barcelona Juliane Heinemann, multi-instrumentista.
Más en N'asturianu
-
El Muséu Antón de Candás cumple 35 años y celebra'l so aniversariu
-
Educación va introducir na llei de la rede 0 a 3 la denominación en gallego-asturianu 'As Escolías'
-
Lluz verde por que nueves plantes eléctriques usen el nuedu de la térmica de Lada
-
Los xixoneses Ora Labora Studio presenten la so obra gráfica na galería 451 d'Uviéu