Cómo xestionar el riesgu en monte: esto ye lo que tienes que saber primero de salir de ruta

José Luis Llamazares tien munchos rescates al costazu. Estrenó'l Grupu de Rescate ya Intervención en Montaña (Greim) de la Guardia Civil y participó en busques como la del neñu Germán Quintana, que de la so desapaición cúmplense esti mes de xunu 35 años. Agora ta dedicáu a l'abogacía, pero pa nada se tien desvinculao del monte, y asesora a la federación en materia de seguridá. La selmana pasada, Llamazares presentó un folletu con conseyos de seguridá en monte nel marcu d'un taller de seguridá xurídica y personal que se celebró en La Casona del Monte del Parque d'Iviernu d'Uviéu. 

El folletu y el taller, dirixíu a federaos, espliquen cómo xestionar el riesgu nel monte y encamienten al sentíu común a la de facer salíes pel monte. Indica los erros que conducen a accidentes dacuando irreparables y especifica cómo pidir ayuda en casu de que se produza un percance. Rescampla especialmente l'enfoque qu'apurre'l folletu de la seguridá xurídica. Llamazares aconseya lleer los atestaos, cuidao que nellos pueden esmucise erros que pueden llevar a les aseguradores a nun facese cargu de los gastos. Y nos accidentes, tien d'identificase al responsable y buscase testigos de cara a posibles pleitos. Meyor prevenir que llamentar.