Los 75 años de Jessica Lange: de baños en Colunga a esponer nel Niemeyer
Jessica Lange, n'Avilés. / Ricardo Solís
Quién sabe si los paseos pela marina de Colunga y los baños nel Cantábricu contribuyeron a que Jessica Lange pueda celebrar unos 75 años estupenda. L'actriz estadounidense, natural de Minessota, celebró va unos díes el so aniversariu arrodiada de familia y amigos. La última vegada que se la vio en públicu foi'l pasáu febreru, qu'allegó a la ceremonia de los Oscar p'apurrir una estauína. N'Asturies, concretamente nel Oriente, recuérdenla con ciñu, porque per un tiempu, fai yá bastantes años, foi una "vecina más" en Colunga. Ellí recaló col que foi'l so maríu, el fotógrafu Paco Grande, fíu del científicu Francisco Grande Covián, al que conoció na Universidá de Minessota cuando estudió Arte. La pareya compartió pasión pola fotografía. Con Grande viaxó a Europa y nel so periplu disfrutó d'Asturies. Cunten que-y encantaba sobremanera la sablera de Toró, en Llanes. Y que nos sos paisaxes atopó inspiración. Col fotógrafu asturianu, yá fináu, casó en 1970. El matrimoniu rompió en 1975. Muncho depués, la oscarizada actriz tornaría al Principáu. En 2011 espunxo nel Centru Internacional Óscar Niemeyer d'Avilés "Unseen", una esposición de 78 fotografíes mui personales, nes qu'enseñó la so visión del mundu.
“Cola ayuda de la Conseyería de Cultura, Política Llingüística y Turismu del Principáu d´Asturies”.
- Continúa el trasvase de médicos de la sanidad pública asturiana a la privada: estas son las especialidades más afectadas
- Estos son los descuentos en el peaje del Huerna (desde el primer viaje) que planea aplicar Transportes
- Cuatro nuevos diáconos se foguearán un año en una parroquia 'como ensayo al presbiterado
- Así funciona el servicio de buses que conecta Avilés y el valle del Nalón con el AVE
- Cuatro heridos en un accidente en el Huerna, a la altura del puente de Barrios de Luna
- Los alcaldes piden acortar trámites para captar inversiones y Barbón se muestra dispuesto a negociar en China la llegada de una fábrica de coches
- Ir al HUCA de madrugada, la vía cada vez más usada para una atención rápida: 'Las guardias de las noches se han vuelto muy complicadas
- Los socios de Aseava apuestan por pasar página y eligen presidente a Amable Fernández
