El Conseyu de Gobiernu desenvolvió per primer vegada'l reglamentu qu'establez les condiciones y requisitos qu'han de cumplir les instalaciones xuveniles como campamentos y albergues, cases de colonies, residencies ya instalaciones de temporada. El documentu, defenden, “ameyora les garantíes de seguridá y confortabilidá de les persones usuaries ya inclúi obligaciones y compromisos, mesmo pa los titulares de los equipamientos como pa los sos inquilinos”. 

Ente les cuestiones que trata, que les habitaciones colectives en nengún casu van poder tener capacidá pa más de 24 places y tendrán de contar con lluz natural y ventilación directa del esterior, o que les duches y inodoros tendrán de tener puerta con pesllera y la proporción de baños por cames. La norma, qu'estrema ente distintos tipos d'albergue (de pelegrinos, rural, de monte o de surf), tamién se refier a servicios como'l del cambéu de ropa de cama o'l d'internet al traviés de wifi, que tendrá de ser obligatoriu “en zones comunes, sacantes aquelles nes que técnicamente nun sía posible”.