L'Academia de la Llingua publica l'estudiu sobre l'asturianu de Somiedu que fixo l'alemán Halemut Brammerts en 1969
La 'Llibrería Llingüística' de l'Academia de la Llingua Asturiana (ALLA) llega al so númberu 31 con 'El sistema temporal en asturianoleonés: el habla de Somiedu', del alemán Helmut Brammerts.
Helmut Brammerts (1939, Mechernich) ye un filólogu especialista nel área del deprendimientu y la enseñanza de llingües. Nesta obra, escrita en 1969, l'autor realiza un informe críticu sobre l'usu de los tiempos verbales n'asturianu, a traviés de los estudios dialectales del momentu.
Depués analiza'l sistema temporal de la fala de Somiedu valiéndose de les grabaciones magnetofóniques que fixo en dellos llugares del conceyu nel añu 1965. Les trescripciones de dalgunes d'elles tán recoyíes tamién nesta obra como muestra de testos dialectales del Occidente d'Asturies.
Más en N'asturianu
-
Aceru verde fechu con control remotu: lo que va llegar al fornu d'Arcelor en Xixón
-
El Muséu Belles Artes amplía la so colección de pintura del XIX
-
El Sespa incorpora a 28 médicos d'otres comunidaes nel concursu de tresllaos
-
El Ministeriu tamién inclúi la lliteratura n'asturianu nes ayudes a la traducción de llingües estranxeres