David Guardado, espertu en tresformamientu dixital de Prensa Ibérica, nuevu miembru de l'Academia de la Llingua
L'acoyida oficial va facese nel Campoamor, dientro de la celebración del 44.º Día de les Lletres Asturianes
David Guardado.
Añádenos en GoogleL'Academia de la Llingua Asturiana (ALLA) va incorporar a un nuevu miembru numerariu, David Guardado Díez (Xixón, 1970), llicenciáu en Filoloxía Inglesa, diplomáu n'Estudios Avanzaos en Filoloxía y Especialista Universitariu en Llingua Asturiana. Ye, amás, xestor de proyectos nel departamentu de Conteníos y Productu de Prensa Ibérica, al que pertenez LA NUEVA ESPAÑA y al que Guardado ta venceyáu dende fai más de venti años. En Prensa Ibérica'l xixonés lideró delles fases del tresformamientu dixital del grupu editorial, un ámbitu nel que ye una autoridá a nivel estatal.
Los sos intereses d'investigación, destacaos por L'ALLA, pasen pela sociollingüística y la historia esterna de la llingua. David Guardado ye un pioneru en dar presencia y relevancia al asturianu n'internet, yá dende la última década del sieglu pasáu, siendo coautor de delles iniciatives que, empobinaes a la información xeneral y cultural, contribuyeron a asitiar l'asturianu dientro del campu de les nueves tecnoloxíes de la información.
Na parte teórica, David Guardado, centró la so esmolición académica pola normalización, la estandarización, la codificación y la identidá del asturianu. Ye amás un asturianu "militante" con un llargu compromisu históricu cola llingua dende ámbitos editoriales, culturales y sociales, con proyectos diversos ente ellos "Reciella, families pol asturianu", asociación que trabaya na organización d'actividaes empobinaes a families y sobremanera a rapazos pa llograr una trasmisión interxeneracional del asturianu.
L'Academia de la Llingua Asturiana votó'l xueves pasáu en Xunta Estraordinaria la propuesta d'incorporación de David Guardado, llogrando unanimidá na aceptación. La entidá que preside cuenta facer l'actu oficial d'acoyida al nuevu miembru'l 5 de mayu, na celebración solemne del 44 Día de les Lletres Asturianes.
Esi día yá ta previsto qu'a les 19 hores, nel teatru Campoamor -con entrada llibre al públicu- se-y apurra a la poeta Lourdes Álvarez el III Premiu Nacional de Lliteratura Asturiana. Tamién va haber actuación musical cola participación de Silvia Quesada, acompañada d'Alfredo González y Cristina Gestido.
- Emergencias insta a la población asturiana a no ducharse y a cerrar puertas y ventanas mientras dure la tormenta
- La carrera que bate récord en la Universidad de Oviedo y desbanca a Medicina: las primeras notas de corte y listas de admitidos
- Panorama dantesco por la tromba de agua en una aldea de Cangas del Narcea: 'Se nos ha llevado el coche, un tractor grande fue arrastrado y dos ternerinos están muy mal
- El concejo con menos habitantes de Asturias mantiene el tipo ante la despoblación: 'Aquí me quedo hasta que salga con los pies por delante
- Cae la mundial en Asturias: una espectacular tormenta barre de punta a punta la región con lluvias muy fuertes, 1.200 rayos en una hora y truenos que parecieron explosiones
- Mañana caerá el gran chaparrón del verano: a partir de las dos de la tarde toda Asturias estará en alerta por fuertes chubascos y tormentas con granizo
- Se llevan a una perra de una ganadería asturiana al creer que estaba abandonada: 'Es surrealista, está perfectamente alimentada
- Descuento para los asturianos que viajen en autobús con la tarjeta Conecta: cuándo entra en vigor y en qué condiciones
