Les esportaciones d'Asturies crecen el 25% nos dos primeros meses del añu

Les esportaciones d'Asturies en xineru y febreru sumaron 1.101 millones d'euros, un aumentu del 25,2% en comparanza colos mesmos meses de 2022, según los datos publicaos esti día pol Ministeriu d'Industria, Comerciu y Turismu. Pela so parte, les importaciones incrementáronse un 6,4%, hasta los 1.015,4 millones d'euros. Poro, el saldu comercial nel bimestre rescampló un superávit de 85,6 millones, cuando nel mesmu periodu del añu pasáu rexistróse un déficit de 75,5 millones. 

Namás en febreru, les esportaciones disparáronse un 33,2%, hasta 584,5 millones, mentanto les importaciones contraxeron un 4,4%, hasta 500,9 millones, colo que'l superávit foi de 83,6 millones. 

Les principales aportaciones a les ventes esteriores provinieron del sector de productos enerxéticos, bienes d'equipu y manufactures de consumu.