L'artista Virginia López quier crear "una comunidá xardinera" pal Palaciu de Contrueces
La idea forma parte del proyectu tituláu "Lo verde"
Virginia López, nuna esposición anterior. / A. R. /
L'artista Virginia López busca persones interesaes en xenerar "una comunidá xardinera" coles que pueda diseñar un xardín pal Palaciu de Contrueces. Esa busca forma parte del proyectu tituláu "Lo verde", col que l'artista estrenó la nueva vida del Palaciu de San Andrés de Cornellana, nel barriu xixonés de Contrueces, como espaciu de residencies y acción cultural.
Siguiendo la fórmula de convertir l'equipamientu nun llugar pa xenerar procesos creativos y fortalecer redes de trabayu ente distintes disciplines artístiques, mesmo que pal intercambiu d'esperiencies culturales, dende'l pasáu mes d'avientu tán asitiaos nesi inmueble cuatro artistes: Virginia López, Jesús García de Marina, Mario M. Martínez y Olimpia Oyonarte.
Agora Virginia López va dar entamu –esti domingu que vien– a les actividaes comuñales d'eses Residencies Artístiques. "Un xardín amateur pa El Palaciu" ye'l so proyectu que se resume nuna acción concreta: xenerar una comunidá xardinera responsable del diseñu y plantíu inicial d'un xardín pal palaciu barrocu.
Pa la intervención final va xenerase un procesu de creación artística y d'aprendizaxe conxuntu al traviés d'alcuentros, charres y talleres abiertos nos que s'entecrucen dalgunes de les múltiples conocencies que se dan cita nun xardín, conviviendo cultura, arte y naturaleza.
A partir del próximu día 29, los alcuentros van entamase los domingos a lo llargo de dos hores, n'horariu de 11.30 a 13.30 hores. Según avance'l proyectu, sobremanera nos meses de marzu y abril (pue que varien delles feches, según necesidaes del xardín y condiciones meteorolóxiques). Amás, podrán plantegase visites a espacios d'interés (xardinos, viveros, semilleros, etc.) rellacionaos cola temática de l'actividá. L'acción ta dirixida a tolos públicos a partir de 16 años.
Pa participar nes charres y talleres nun se piden conocimientos previos. Cada alcuentru, que necesita d'inscripción individualizada, cuenta con un aforu máximu de 15 participantes. La información ya inscripciones pueden facese per vía telefónica o per corréu electrónicu (@elpalacio.loverde@gmail.com).
- Danone y Arias dejan de comprar leche a los ganaderos asturianos
- Un perro en la calzada causa un choque múltiple entre cinco vehículos, con seis heridos, en la Autovía de Siero, a la altura de Amazon
- La opinión del presidente de Alsa Asturias sobre los ataques del ministro Puente a los trenes "low cost" de Ouigo: "Es una pataleta
- Las 400 plazas de médico difíciles de cubrir que traen de cabeza a Asturias
- La gran subasta en Sotheby´s de una familia propietaria de un famoso castillo asturiano y con vinculos empresariales con la región
- Esta es la comunidad autónoma más querida por los españoles (y sí, seguro que probaste su comida)
- María Jesús Otero, primera condenada del "caso Marea" en lograr la libertad
- El asturianismo alza la voz en la calle y lanza un mensaje a los partidos: "No hay oficialidades amables, hay reconocimiento o no lo hay
