Gil Morán presenta la so obra nel espaciu espositivu "Metro y medio de arte"
El pintor Gil Morán presenta la so obra nel espaciu espositivu "Metro y medio de arte" (Barbería Metro; cai Cervantes, 12; Uviéu), que coordina'l comisariu, críticu d'arte y collaborador de LA NUEVA ESPAÑA Santiago Martínez.
Los oleos de Gil Morán, nacíu en Lleón, en 1959, anque vive en Llangréu dende la so infancia, quedaron espuestos nel escaparate de "Metro y medio de arte", col títulu "Rastros de agua: homenaje a Emilio Vedova". Son dellos oleos sobre lona y llenzu, de mediu formatu, amás d'una serie d'oleos sobre papel.
Na esposición de "Metro y medio de arte", Gil Morán quixo dedicar un homenaxe al pintor y grabador informalista italianu Emilio Vedova. Vedova desenvolvió'l so trabayu en Venecia y nesa mesma ciudá Gil Morán pintó una parte de les obres qu'agora presenta n'Uviéu.
El comisariu d'esta pequeña esposición rescampla cómo se reflexa l'estilu del artista nes obres que formen parte d'ella. "El so personalísimu espresionismu nel que l'harmonía de color, aspeutu que siempres singulariza les sos pintures, vese arriquecíu pol xestualismu matérico que tamién lu caracteriza", sopelexa Santiago Martínez. "L'actu de pintar, diz Emilio Vedova nel testu de presentación, ye un entornu catárticu pa poder atrapar intres, rellumos de verdá", amesta.
La muestra va permanecer en "Metro y medio de arte" a lo llargo de tou esti mes de marzu.
Temas
Más en N'asturianu
-
El Principáu analiza un plan d'almacenamientu enerxéticu pa Llugo (Llanera)
-
Fracasu de la ufierta MIR de Familia: places ermes nestos dos grandes conceyos
-
Esti ye l'ave mui presente n'Avilés con una población que baxa de forma esmolecedora, según los ornitólogos
-
Iberdrola cuenta invertir 12 millones en dos almacenes d'enerxía en Xixón