La vivienda encarecióse n'Asturies el 3,5% en 2023, per debaxo del IPC
El preciu mediu de la vivienda aumentó n'Asturies l'añu pasáu'l 3,5%, siete décimes menos que la medría vista nel conxuntu del país, según l'Institutu Nacional d'Estadística (INE) y cinco centésimes inferior a la inflación media n'España (3,55%) a lo llargo del pasáu exerciciu.
L'incrementu de precios na rexón foi'l sestu menor ente les 17 comunidaes autónomes, depués de los esperimentaos en Castiella y Lleón, Cataluña, Galicia, Estremadura y Castiella-La Mancha. Nesta última rexón apenes foi del 2,1%. La mayor carestía producióse n'Andalucía, onde los precios medraron el 5,3%.
El comportamientu foi bien desemeyáu ente la vivienda nueva y la usada. Nel casu de la vivienda de segunda mano, Asturies foi la cuarta comunidá na que menos s'encareció, con un aumentu de precios del 3%, el mesmu qu'en Cataluña y Navarra, seis décimes inferior al promediu nacional y solo perriba de los que se rexistraron en Galicia, Estremadura y Castiella-La Mancha.
Otra manera, la vivienda nueva, anque tamién s'apreció menos que nel conxuntu español, más que dobló la xuba de la vieya: encarecióse'l 6,9% n'Asturies frente al 7,5% de media estatal, en dambos casos bien percima del IPC. El llar de nueva construcción esperimentó nel Principáu una xubida 3,9 puntos porcentuales más qu'el de segunda mano, y foi supeior al que se produció n'ocho comunidaes autónomes.
Temas
Más en N'asturianu
-
Esti ye l'ave mui presente n'Avilés con una población que baxa de forma esmolecedora, según los ornitólogos
-
Iberdrola cuenta invertir 12 millones en dos almacenes d'enerxía en Xixón
-
Aceru verde fechu con control remotu: lo que va llegar al fornu d'Arcelor en Xixón
-
El Muséu Belles Artes amplía la so colección de pintura del XIX