Les gaites de Corvera faen patria en Miami
La banda dirixida por Bras Rodrigo atota a la colonia asturiana n'Estaos Xuníos depués del trunfu nel desfile de San Patriciu en San Agustín
La Banda de Gaites de Corvera trunfa allá per onde anda. Dempués de más de media docena d'actuaciones nos desfiles de San Patriciu de Nueva York y Boston, l'agrupación musical tomó camín otra vegada pa 'Estaos Xuníos va unos díes pa participar nel eventu de San Agustín de la Florida, ciudá fundada por Pedro Menéndez –la más antigua del país– y qu'esti añu va celebrar el 100.u aniversariu de les sos relaciones con Avilés. Precisamente, por cuenta d'esta efeméride, los gaiteros viaxaron a la localidá, que'l so desfile de San Patriciu ye'l más llonxevu del país. Esti día, na so primer intervención, llevaron el Primer Premiu.
LA NUEVA ESPAÑA contactó col director de la Banda de Gaites, Bras Rodrigo. Magar la diferencia horaria, qu'asitia a San Agustín cinco hores por detrás d'España, el voceru de la entidá comentó que s'afayaben "en plenu camín hacia la parroquia del Corpus Christi", en Miami, onde van poner la música a una misa oficiada pol sacerdote d'orixe asturianu José Luis Menéndez. Darréu, fixeron actu de presencia nel Centru Asturianu de la ciudá por cuenta del so 51.u aniversariu, onde ufiertaron un conciertu a los sos integrantes. Amás, tamién tuvieron ocasión d'actuar na ermita de la Caridá del Cobre. Y ye que la banda corverana, a lo llargo del so viaxe, apenes tuvo tiempu d'aparar un segundu.
El so gran ésitu nel percorríu per tierres americanes producióse la xornada del sábadu. Los corveranos llevaron el Primer Premiu Absolutu depués del so pasu pel desfile de San Patriciu en San Agustín de la Florida. L'agrupación empobinada por Bras Rodrigo convirtióse asina na primer europea en desfilar por cuenta d'esta efeméride peles cais de la ciudá floridiana. Primero participaren en siete ocasiones nel desfile de San Patriciu de Nueva York –2005, 2006, 2007, 2008, 2009, 2011, 2012 y 2015– y en Boston –2019–. Amás del ésitu del sábadu, ufiertaron dos conciertos na ciudá fundada por Pedro Menéndez. Na plaza de la Constitución, los gaiteros fixenon disfrutar cola so música al públicu asistente, ente'l que s'alcontraba l'alcaldesa, Nancy Sikes-Kline.
Tres esti viaxe, la Banda de Gaites de Corvera va tornar a casa col so particular "trébole" que sigue engrandando'l so historial y convirtiéndose nuna de les agrupaciones musicales asturianes más relevantes a escala internacional.
- Demoledor escrito de la Comisión Europea: asegura que la prórroga del peaje del Huerna fue ilegal
- Así será el calendario escolar 2024-2025 en Asturias: mismo día de inicio para todos y tres descansos pedagógicos
- Si eres un amante del buen comer, La Chalana te trae algo que te interesa
- Otro hito para la llegada de los Avril: el primer AVE con pasajeros completa un trayecto Madrid-Asturias en el que "se va muy bien
- Las reacciones en Asturias al anuncio de Pedro Sánchez: del "no todo vale" de Barbón, al "victimismo" de Queipo
- El mejor supermercado": el curioso tatuaje que se ha hecho una persona sobre una conocida marca asturiana
- El Principado se compromete a "seguir trabajando para eliminar el peaje" del Huerna y el PP dice que la prórroga "estaba dentro de la legalidad
- El peaje del Huerna se prorrogó para obtener más dinero: LA NUEVA ESPAÑA desgrana el dictamen de la UE que pone en entredicho la tasa de la autovía