Entama'l procesu pa declarar Bien d'Interés Cultural la danza asturiana
La conseyería de Cultura, Política Llingüística y Deporte del Principáu entamó'l procesu pa declarar bien d'interés cultural (BIC) la danza tradicional asturiana a propuesta de Xosé Antón Fernández Martínez Ambás y Ramsés Ilesies Fernández, responsables del Archivu de Tradición Oral d'Ambás.
La conseyera, Vanessa Gutiérrez, destacó qu'esti xéneru, conseñáu dende va sieglos y presente cuandu menos en 59 de los 78 conceyos de la comunidá, "sigue güei vivu y enraigonáu tantu en contestos rurales como urbanos". Por ello la necesidá de protexelu: "Ye perimportante pa la nuesa identidá como pueblu y pal porvenir de la nuesa cultura documentar dafechu la nuesa tradición, impulsando la so conocencia y espardimientu, especialmente cuando se trata del nuesu delicáu y pervalible patrimoniu inmaterial".
Gutiérrez presidió en Xixón la xunta de la mesa sectorial de la Cultura Tradicional, qu'axuntó a cuasi una trentena d'especialistes pa tratar polítiques nesta llexislatura. Va proponese llueu al Conseyu de Patrimoniu la declaración de BIC del teatru costumista y va promovese l'espediente de máxima protección del patrimoniu cultural pa les "mazcaraes d’iviernu".
Temas
Más en N'asturianu
-
El Sespa incorpora a 28 médicos d'otres comunidaes nel concursu de tresllaos
-
El Ministeriu tamién inclúi la lliteratura n'asturianu nes ayudes a la traducción de llingües estranxeres
-
L'actividá arqueolóxica intensifícase nel Oriente con nueves escavaciones
-
¿Cuántu puede durar un aceru ensin aferruñar? Esto ye lo que van tratar de pescudar les empreses Alusin Cortil y Arcelor en cabu Bustu