Daniel Acuña espón en Lluanco y participa na Art3F de Barcelona
El pintor amuesa nel Muséu Marítimu d'Asturies doce obres de grandes dimensiones de la serie "Blue Abstraction"
El luanquín Daniel Acuña ta viviendo un momentu dulce a nivel profesional: esti artista plásticu –estudió Belles Artes en Salamanca– que cunta col so propiu estudiu na capital gozoniega espón dende va díes doce obres de grandes dimensiones de la serie "Blue Abstraction" nel Muséu Marítimu d'Asturies, en Lluanco. Tovía puede visitase hasta'l 15 d'abril. "Va un añu aprosimao esponía per primer vegada fuera d'España… Les obres de la serie “Blue Abstraction” diéronme munches allegríes, y que meyor manera que celebralo en casa, nel mio Lluanco, con familia, amigos y la familia artística que creemos nel pueblín nestos años", señalaba nes sos redes l'autor.
Pero nun ta en Lluanco namás. Acuña participa estos díes cola galería "Acuña Espacio de Arte" na I Feria d'Arte Internacional d'Arte Contemporáneo de Barcelona (Art3F) con seis artistes asturianos y trés catalanes: Iratxe Esteve, Begoña Vega, Joaquín Viña, Itziar Sánchez, Tania Romero, Nuria Catedra, Luciana Brux, Elena Kevorkian y el mesmu Acuña.
Temas
Más en N'asturianu
-
Esti ye l'ave mui presente n'Avilés con una población que baxa de forma esmolecedora, según los ornitólogos
-
Iberdrola cuenta invertir 12 millones en dos almacenes d'enerxía en Xixón
-
Aceru verde fechu con control remotu: lo que va llegar al fornu d'Arcelor en Xixón
-
El Muséu Belles Artes amplía la so colección de pintura del XIX